10.08.2026 | 22:44
Հայաստանի մի շարք հասցեներում էլեկտրաէներգիայի անջատումներ կլինեն
Լուկաշենկոն միջուկային «կարմիր կոճակ» է ստացել
Քաղաքականություն
06.12.2024 | 19:11
Բելառուսի նախագահ Ալեքսանդր Լուկաշենկոն, ինչպես և Ռուսաստանի Դաշնության ղեկավար Վլադիմիր Պուտինը, իրենց միջուկային «կարմիր կոճակն» ունեն։ Այս մասին հայտարարել է Բելառուսի Անվտանգության խորհրդի պետքարտուղար Ալեքսանդր Վոլֆովիչը, փոխանցում է ԲԵԼՏԱ-ն։
«Յուրաքանչյուր նախագահ ունի իր կարմիր կոճակը, իր պորտֆելը և իր միջուկային ճամպրուկը»,- ասել է նա:
Վոլֆովիչն ընդգծել է, որ Բելառուսի տարածքում տեղակայված միջուկային զենքը կարող է օգտագործվել միայն Լուկաշենկոյի թույլտվությամբ, իսկ Ռուսաստանում տեղակայված զենքերը մնում են Պուտինի հսկողության տակ։
Մոսկվան և Մինսկը համաձայնության են եկել Բելառուսի տարածքում մարտավարական միջուկային զենքի տեղակայման շուրջ 2024 թվականի մարտին։ Առաջին միջուկային մարտագլխիկները Բելառուս են ժամանել հունիսին։
Դեկտեմբերի 5-ին Պուտինը հանձնարարել է ընդունել ՌԴ ԱԳՆ-ի առաջարկը՝ Միութենական պետության ներսում Բելառուսի հետ անվտանգության երաշխիքների մասին համաձայնագիր ստորագրելու մասին։ Փաստաթուղթը հաշվի է առնում նոյեմբերի 19-ին հաստատված միջուկային նորացված դոկտրինի դրույթները։ Այն ենթադրում է, որ Ռուսաստանը կարող է միջուկային զենք օգտագործել Բելառուսի վրա հարձակման դեպքում՝ որպես Միութենական պետության անդամ։
Թարգմանությունը՝ Տաթև Ֆռանգյանի
