09.09.2026 | 13:07
Օդի ջերմաստիճանը Հայաստանում կբարձրանա 6-8 աստիճանով
Կադաստրի կոմիտեն հորդորում է ինքնակամ կառույցները ժամանակին հաշվառել
Հասարակություն
20.11.2024 | 11:38
Մինչև 2025 թվականի հունվարի 1-ը գյուղական բնակավայրերում շարունակվում է ինքնակամ կառույցների հաշվառումը, Կադաստրի կոմիտեն մեկ անգամ ևս հիշեցնում է, որ հաշվառման ժամկետի ավարտին շատ քիչ ժամանակ է մնացել։
«Հանրապետության մարզերում մինչև 2021թ-ը կառուցված ինքնակամ շինություններն օրինականացնելու համար անհրաժեշտ է պարտադիր կերպով դրանք հաշվառել Կադաստրի կոմիտեում՝ կառավարության կողմից սահմանված հաշվառման կարգի համաձայն:
2024 թվականի հունվարի 1-ից ավարտվել է ՔԱՂԱՔԱՅԻՆ ԲՆԱԿԱՎԱՅՐ ԸՆԴԳՐԿՈՂ խոշորացված համայնքներում կառուցված ինքնակամ կառույցների հաշվառումը։
ԲԱՑԱՌԱՊԵՍ ԳՅՈՒՂԱԿԱՆ ԲՆԱԿԱՎԱՅՐԵՐ ընդգրկող համայնքներում կառուցված ինքնակամ կառույցների հաշվառումը կշարունակվի մինչև 2025 թվականի հունվարի 1-ը»,- ասված է Կադաստրի կոմիտեի տարածած հաղորդագրությունում։
