21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
Անգամ պարոն Փաշինյանի անվտանգության աշխատակիցները չգիտեն՝ մի ժամից հեծանիվով ուր են գնալու․ Ագնեսա Խամոյան․ ՏԵՍԱՆՅՈՒԹ
Քաղաքականություն
12.11.2024 | 15:58
ԱԺ-ում 2025-ի բյուջեի նախագծի քննարկման ժամանակ «Հայաստան» խմբակցության պատգամավոր Ագնեսա Խամոյանը, դիմելով Ֆինանսների նախարար Վահե Հովհաննիսյանին, ասաց, որ նախարարն իր ելույթում խոսում է կանխատեսելիության մասին։ Ըստ պատգամավորի, սակայն, ոչինչ հնարավոր չէ կանխատեսել, և անգամ Նիկոլ Փաշինյանի անվտանգության աշխատակիցները չգիտեն՝ մի ժամից հեծանվով ուր են գնալու։
Ագնեսա Խամոյանն այնուհետև շարունակեց հարցն՝ անդրադառնալով ֆինանսների նախարար Վահե Հովհաննիսյանի ելույթի այն հատվածին, որը վերաբերում է հարկային քաղաքականության և իշխանության այն հայտարարությանը, թե «հարկ վճարողը հերոս է»։
«Իմ հարցը Ձեր ելույթի՝ ազատ ոճով շարադրություն հիշեցնող հատվածին է վերաբերում։ Դուք ասում եք, որ հարկ վճարողը հերոս է և պետք է վերագնահատենք հերոսության մասին մեր պատկերացումները: Ի՞նչ է նշանակում դա: Մարդը փող է աշխատում, եկամուտ է ստանում, դրա մի մասից էլ հարկ է վճարում»,- հարցրեց պատգամավորը։
Նախարարն էլ պատասխանեց, որ ոչ մի տեղ սահմանված չէ, թե հերոսները ովքեր են, դա անձնական մոտեցման հարց է։ «Հիմա ազատ շարադրության ոճի մեջ պետք է պատասխանեմ: Ես կարծում եմ՝ հերոսությունը կապված է անձնազոհության հետ: Տաք սենյակում նստելը չի նշանակում անձնազոհություն չունենալ: Սահմանին լինելը չի միայն անձնազոհությունը: Ես ոչ թե ասում էի՝ հերոս են, այլ հռետորական հարց էի տալիս, թե արդյո՞ք այս մարդիկ հերոս են, թե՞ ոչ, որովհետև նրանց գործողությունների մեջ կարող ենք տեսնել անձնազոհություն տարրեր»,- նշեց նա։
Մանրամասները՝ տեսանյութում։
