30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Լևոն Քոչարյանի գործով ցուցմունք են տալիս նրան բերման ենթարկած ոստիկանները. ՈՒՂԻՂ
Հասարակություն
31.10.2024 | 16:20
Երևանի ընդհանուր իրավասության դատարանում՝ նախագահությամբ դատավոր Կարեն Ֆարխոյանի, քննվում է Հայաստանի 2-րդ նախագահ Ռոբերտ Քոչարյանի որդու՝ Ազգային ժողովի պատգամավոր Լևոն Քոչարյանի և պահեստազորի սպա Սերգեյ Ասատուրովի գործի քննությունը։
Այսօր դատարանում ցուցմունք են տալիս Քոչարյանին բերման ենթարկած ոստիկանները: Քոչարյանը և Ասատուրովը, ըստ մեղադրանքի, պաշտոնատար անձ հանդիսացող ՀՀ ՆԳՆ ոստիկանության ԵՔՎ հատուկ նշանակության գումարտակի ծառայողների օրինական ծառայողական գործունեությանը միջամտելու նպատակով բռնություն են գործադրել նրանց նկատմամբ:
Սերգեյ Ասատուրովին մեղադրանք է ներկայացվել գործի նախաքննության ավարտին։ Լևոն Քոչարյանը իր նկատմամբ քրեական հետապնդում հարուցելու պահից ի վեր նշել է, որ մեղադրանքը չի ընդունում, ավելին, հայտնել է, որ ոստիկաններն են իր նկատմամբ բռնություն գործադրել, որի առթիվ ևս քրեական գործ է հարուցվել։ Քոչարյանի և Ասատուրովի նկատմամբ որպես խափանման միջոց է ընտրված բացակայելու արգելքը։
Հիշեցնենք, որ գործով մեղադրյալները Արցախի բնակիչների բռնի տեղահանումից հետո Երևանում ընդդիմության ակցիաների ժամանակ էր բերման ենթարկվել։
Արաքս Մամուլան
