01.11.2024 | 22:14
Ժնևի ՄԱԿ-ի գրասենյակում բացվել է Հայաստան-Ֆրանսիա բարեկամության սենյակ
Բրյուսելը պահանջել է ազատ արձակել Լուկաշենկոյի ռեժիմի քաղբանտարկյալներին
Քաղաքականություն
26.09.2024 | 14:24
Բրյուսելում Բելառուսի դեսպանատան դիմաց ցույց է անցկացվել՝ «Գարուն» իրավապաշտպան կենտրոնի հիմնադիր, Խաղաղության Նոբելյան մրցանակի դափնեկիր Ալես Բելյացկիի ծննդյան առթիվ։ DW-ի ռուսական ծառայության փոխանցմամբ՝ ակցիայի մասնակիցները պահանջել են Լուկաշենկոյի ռեժիմի քաղբանտարկյալների ազատ արձակում։
Ակցիային մասնակցել են Եվրախորհրդարանի անդամներ, «Գործընկերություն հանուն մարդու իրավունքների» (Libereco), Մարդու իրավունքների միջազգային ֆեդերացիայի (FIDH) և բելառուսական սփյուռքի ներկայացուցիչներ։ Հավաքվածներից շատերի ձեռքին եղել են սպիտակ-կարմիր-սպիտակ դրոշներ ու պաստառներ։
Ակցիայի մասնակիցները խնդրագիր են ներկայացրել Բելառուսի դիվանագիտական ներկայացուցչություն՝ կոչ անելով Մինսկին անհապաղ և անվերապահորեն ազատ արձակել Բելյացկիին և բոլոր մյուս քաղբանտարկյալներին, որոնց թիվը գերազանցում է 1300-ը։
Խնդրագիրը ստորագրել է 82 հազար մարդ 82 երկրից։
Դեսպանատան ներկայացուցիչները չեն արձագանքել կազմակերպիչների՝ խնդրագիրն անձամբ ընդունելու վերաբերյալ նախնական խնդրանքին, ուստի ակցային ներկա գտնվող Եվրախորհրդարանի պատգամավորներից մեկը՝ գերմանացի Մարի-Ագնես Ստրակ-Ցիմերմանը, մտել է դեսպանատան տարածք և այն թողել դռան մոտ։
Թարգմանությունը՝ Տաթև Ֆռանգյանի
