09.09.2026 | 20:47
Ծովինար Վարդանյանը հրաժարվել է ինձ ընդունել, դիմել եմ դատարան. Էդգար Ղազարյան. ՏԵՍԱՆՅՈՒԹ
«Զովք» սուպերմարկետի մոտից բերման է ենթարկվել 15 քաղաքացի․ ՆԳՆ
Հասարակություն
17.09.2024 | 15:16
Երևան-Սևան ավտոճանապարհա հատվածում գործող «Զովք» սուպերմարկետի մոտից բերման է ենթարկվել 15 քաղաքացի ոստիկանության օրինական պահանջը չկատարելու համար։ Այս մասին Factor.am-ին հայտնեցին ՆԳՆ ոստիկանության բաժնից։
ՆԳՆ-ից պարզաբանեցին, որ Երևան-Սևան ավտոճանապարհի բնականոն գործունեությունը ապահովելու նպատակով՝ Տարածքային կառավարման և ենթակառուցվածքների նախարարության ճանապարհային դեպարտամենտի կողմից, Վերին Պտղնի բնակավայրի հատվածում տեղադրվում է ուղեփակոց։
«Սա որևէ կերպ որևէ տնտեսվարողի գործունեությունը խոչընդոտելու նպատակ չի հետապնդում, ապահովվում է ավտոճանապարհի բնականոն երթևեկությունը, երթևեկության մասնակիցների անվտանգությունը միջպետական ճանապարհի կողային հատվածում»,- մեկնաբանեցին իրավապահ կառույցից։
Կոտայքի մարզում «Զովք» և մի քանի խանութների աշխատակիցներ ու տնտեսվարողներ, Վերին Պտղնիի բնակիչներ, ի նշան բողոքի փակել էին ճանապարհը։
Նրանք պահանջել են, որ որպեսզի ՏԿԵՆ «Ճանապարհային դեպարտամենտ» հիմնադրամը հստակ պատասխանի, թե ինչից ելնելով և ով է որոշել, որ պետք է ճանապարհի այդ հատվածում տեղադրվեն երկաթե արգելապատնեշներ, ինչն, ըստ նրան, խոչընդոտ է հանդիսանում իրենց համար:
