11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Չինական բանկերը սկսել են չընդունել վճարումներ, եթե փաստաթղթերում ռուսական անուններ են
Քաղաքականություն
02.09.2024 | 17:39
Հուլիսի կեսերից չինական բանկերը սկսել են հրաժարվել վճարումներ ընդունել, եթե վճարային փաստաթղթերում նշված են ռուսական անուններ։ Այս մասին «Իզվեստիա»-ին ասել է First Group ընկերության գլխավոր տնօրեն Ալեքսեյ Պորոշինը։
Նրա խոսքով՝ ներկրողներն այժմ ստիպված են գործարքների համար փաստաթղթերի ամբողջական փաթեթ պատրաստել երրորդ անձանց միջոցով, որպեսզի տեսանելի կապ չլինի Ռուսաստանի հետ։
Ռուսական անունները, այդ թվում՝ պատժամիջոցների ցուցակում չհայտնվածները, Ռուսաստանի հետ որևէ կապը, ինչպես նաև կիրիլիցայով մակագրությունները հիմք են դառնում վճարումը չեղարկելու համար, հաստատել է «Impaya Rus» ընկերության կոմերցիոն տնօրեն Ալեքսեյ Ռազումովսկին։ Ըստ նրա՝ չինացի գործընկերները վախենում են երկրորդական պատժամիջոցներից և ավելի ու ավելի են օգտագործում «զրոյական վստահություն» ռուսական բիզնեսի հետ հարաբերություններում՝ փորձելով վերացնել ցանկացած սպառնալիք։
Գործարար ասոցիացիաներից մեկում «Իզվեստիա»-ի զրուցակիցը նշել է, որ խնդիրն առաջացել է մի քանի շաբաթ առաջ, և դեռևս զանգվածային բնույթ չի կրում։
