08.10.2026 | 11:24
Վահան Բիչախչյան. «Շատ դժվար ժամանակաշրջան էր ինձ համար»
Վիեննայում ահաբեկչական սպառնալիքի պատճառով չեղարկվել են Թեյլոր Սվիֆթի համերգները
Քաղաքականություն
08.08.2024 | 14:22
Ամերիկյան փոփ աստղ Թեյլոր Սվիֆթի բոլոր երեք համերգները Վիեննայում չեղարկվել են, հայտարարել է շոուի կազմակերպիչ Barracuda Music-ը, գրում է DW-ի ռուսական ծառայությունը։
«Էռնստ Հապել մարզադաշտում ծրագրված ահաբեկչության մասին իշխանությունների տեղեկություններից հետո մենք այլ ելք չունենք, քան չեղարկել ծրագրված երեք համերգները՝ հանուն բոլորի անվտանգության»,- ասվում է ընկերության հայտարարության մեջ։
Օգոստոսի 7-ին ավստրիական ոստիկանությունը հայտնել է ահաբեկչություն նախապատրաստելու մեջ կասկածվող երկու անձի բերման ենթարկելու մասին, որոնք ցանկանում էին ահաբեկչություն իրականացնել Վիեննայում և Ստորին Ավստրիայի դաշնային նահանգի Տերնից քաղաքում։ Իրավապահ մարմինների ներկայացուցիչների խոսքով՝ ձերբակալվածները Վիեննայում և դրա շրջակայքում հանրային միջոցառումների ժամանակ ահաբեկչություններ իրականացնելու կոնկրետ պլաններ են ունեցել։ Խուզարկությամբ բնակարաններից մեկում հայտնաբերվել են քիմիական նյութեր, որոնց բաղադրությունն ուսումնասիրվում է։
Ձերբակալվածներից մեկը՝ Ավստրիայի 19-ամյա քաղաքացի, հավատարմության երդում է տվել «Իսլամական պետություն» ահաբեկչական կազմակերպության ներկայիս առաջնորդին։ Երկրորդ բերման ենթարկվածի մասին ոստիկանությունը տեղեկություն չի տրամադրել։ Ըստ Kurier-ի՝ նա ընդամենը 17 տարեկան է։
Ոստիկանության աղբյուրները ORF.at-ին հայտնել են, որ ևս երեք կասկածյալներ որոնվում են։
