09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Իշխանափոխությունը բերեց նրան, որ լարվածությունը քաղաքական դաշտում աճեց․ Գագիկ Մելիքյան․ ՏԵՍԱՆՅՈՒԹ
Քաղաքականություն
05.09.2018 | 14:17
Բավականին լուրջ օրենսդրական նախաձեռնություններ են քննարկվել 6-րդ գումարման Ազգային ժողովի 3-րդ նստաշրջանում, իսկ կայացած քննարկումների մեծամասնությունն անցկացվել է հանձնաժողովների նիստերի ժամանակ, որտեղ բոլոր նախաձեռնությունները քննարկվել են լիարժեք։
Այս մասին այսօր «ԱԺ մոնիթորինգ. 6-րդ գումարման Ազգային ժողովի 3-րդ նստաշրջանի դիտարկման արդյունքները» թեմայով քննարկման ժամանակ ասաց ԱԺ ՀՀԿ խմբակցության պատգամավոր Գագիկ Մելիքյանը։
«6-րդ գումարման Ազգային ժողովի 3-րդ նստաշրջանն առանձնահատուկ էր նաև նրանով, որ խորհրդարանական ձևաչափը լիարժեք ուժի մեջ մտավ ապրիլի 9-ից, խորհրդարանը ընտրեց ԲԴԽ նախագահ, Սահմանադրական դատարանի նախագահ, յուրահատուկ էին նաև վարչապետի ընտրությունները, և կարծում եմ, որ իշխանափոխությունը բերեց նրան, որ լարվածությունը քաղաքական դաշտում աճեց»,- ասաց Գագիկ Մելիքյանը։
Հարցին, որ ԱԺ-ի կողմից ընդունված որոշ օրենքներ վիճահարույց էին, դրանցով ապահովվում էր սուպերվարչապետության լիազորությունները, խորհրդարանի մեծամասնություն համարվող ուժն արդյոք մտածում էր, որ դա կարող է բումերանգի ազդեցություն ունենալ, Գագիկ Մելիքյանը պատասխանեց․ «Մենք դա արել ենք մեր պետության, մեր երկրի անվտանգության և մեր ժողովրդի շահերից ելնելով»։
Մանրամասները՝ տեսանյութում։
