21.07.2026 | 19:10
Սիսիանի «Մայիսի 28» զբոսայգու հողամասը վերադարձվել է համայնքին
Արայիկ Հարությունյանը Փարիզում ներկա է եղել Հայկական տան բացմանը
Քաղաքականություն
25.07.2024 | 21:18
Վարչապետի աշխատակազմի ղեկավար Արայիկ Հարությունյանը Հանրապետության նախագահ Վահագն Խաչատուրյանի հետ Փարիզում ներկա է գտնվել Հայկական տան բացմանը և հանդիպել Հայաստանի օլիմպիական հավաքականի անդամների հետ:
Արայիկ Հարությունյանն իր խոսքում մաղթել է հաջողություններ մեր բոլոր մարզիկներին և համոզմունք հայտնել, որ նրանք կներդնեն բոլոր ջանքերը՝ Հայաստանի մարզական պատիվը բարձր պահելու գործում:
Հայկական տունը կգործի հուլիսի 25-ից մինչև օգոստոսի 11-ը, այն կլինի հայկական երկրպագուների կենտրոնը 2024 թվականի Օլիմպիական խաղերի ժամանակ:
Հայկական տունը կբացվի ամեն օր՝ ժամը 15:00-ից 23:00-ը: Այդ ժամերին այցելուները կարող են վայելել օլիմպիական մրցաշարերի համատեղ դիտումները, հանդիպել հայտնի մարզիկների հետ և ձեռք բերել ատրիբուտիկա՝ աջակցելու հայկական մարզիկներին մարզադաշտերում:
