07.10.2026 | 13:45
Հայաստանի հետ փաստացի խաղաղությունը դեռ չի նշանակում խաղաղության գործընթացի ավարտ․ Ալիևի ներկայացուցիչ
Համոզված եմ, որ տանն ավելի շատ խնդիրներ կստեղծենք մրցակցին․ Մելիքյան
15.07.2024 | 23:19
Հուլիսի 16-ին Չեմպիոնների լիգայի որակավորման առաջին փուլի շրջանակում «Փյունիկը» Երևանում կընդունի Մինսկի «Դինամոյին»։
Պատասխան հանդիպման մասին իր կարծիքն է երևանյան թիմի մարզիչ Եղիշե Մելիքյանը։
«ՉԼ-ի հանդիպումներին նախապատրաստվելու տեղի համար խնդիր ունեինք։ Խնդրանքով դիմեցինք, որ պատրաստվենք Ավանի ակադեմիայում, բայց մեզ մերժեցին։ Քանի դեռ ես թիմի մարզիչն եմ, խոստանում եմ, որ այլևս խնդրանքով չեմ դիմելու մարզում անցկացնելու համար։ Պատրաստ ենք վաղվա հանդիպմանը՝ պայքարելու հաղթանակի համար։ Հուսով եմ, մեր թիմին շատերն են երկրպագում, սպասում մեր հաղթանակին։
Մրցակցի ուժեղ կողմը ֆիզպատրաստվածությունն է, բնավորություն ունեցող թիմ է։ Համոզված եմ, որ տանն ավելի շատ խնդիրներ կստեղծենք մրցակցին։
Փյունիկը միշտ հպարտացել է իր երկրպագուներով։ Մենք սիրում ենք մեր երկրպագուներին։ Մեր բոլոր հաղթանակները երկրպագուներ համար են։ Սպասում ենք, որ երկրպագուները կգան մեր խաղին»,- նախախաղային մամուլի ասուլիսի ժամանակ ասել է Մելիքյանը։
Հիշեցնենք, որ Չեմպիոնների լիգայի խաղարկության որակավորման առաջին փուլի «Փյունիկ»-«Դինամո Մինսկ» դիմակայության պատասխան հանդիպումը կկայանա հուլիսի 16-ին՝ 20:00-ին, Վազգեն Սարգսյանի անվան «Հանրապետական» մարզադաշտում։ Թիմերի միջև առաջին խաղն ավարտվել է գոլազուրկ ոչ-ոքի։
