17.12.2025 | 13:37
Փաշինյանի թեկնածությունը հաստատվել է ՔՊ ընտրական ցուցակում
«Մեր դեմ խաղ չկա»-ն ու սևերի և սպիտակների տարանջատումն անընդունելի է․ Մհեր Շահգելդյան․ ՏԵՍԱՆՅՈՒԹ
Քաղաքականություն
03.09.2018 | 14:57
«Օրինաց երկիր» կուսակցությունը Երևանի ավագանու ընտրություններին մասնակցելու հայտ ներկայացրեց, քանի որ այս ընտրությունները պետք է լինեն իրապես ընտրություններ՝ մաքուր և զերծ ընտրակեղծիքներից, իսկ իրենք ունեն իրենց հստակ պատկերացումները Երևանի զարգացման վերաբերյալ։
Այս մասին այսօր լրագրողների հետ զրույցում ասաց ՕԵԿ-ի համամասնական ցուցակը գլխավորող Մհեր Շահգելդյանը՝ շեշտելով, որ իրենց կուսակցությունն ունի կապեր աշխարհի տարբեր մայրաքաղաքների և միջազգային հարաբերությունների ասպարեզում, և դրանք կարող են նպաստ բերել քաղաքի զարգացմանը։
Ըստ Մհեր Շահգելդյանի՝ թեև Հայաստանում Նիկոլ Փաշինյանի ազդեցությունը զգալի է, սակայն պետք չէ մոռանալ, որ այսուհետ մարդիկ ազատ են իրենց տեսակետն ու դիրքորոշումն արտահայտելիս։
«Օրինաց երկիր» կուսակցության քաղաքապետի թեկնածուն անդրադարձավ նաև քաղաքապետի մեկ այլ թեկնածու՝ Հայկ Մարությանի՝ սև և սպիտակ ուժերի մասին արված արտահայտությանը, և նշեց, որ նման տարանջատումն ընդունելի չէ։
««Մեր դեմ խաղ չկա» կարգախոսը, ցավոք, Հայաստանին բերեց եթե ոչ կործանման, ապա՝ լրջագույն խնդիրների։ Հարգանքով վերաբերելով բոլորին՝ այս մոտեցումների հետ համաձայնել չի կարելի, քանի որ հենց «Մեր դեմ խաղ չկա», «Ով մեզ հետ չէ, մեր դեմ է» այս մոտեցումներն են, որոնք ժողովրդավարությանը չեն համապատասխանում»,- ասաց նա։
Մանրամասները՝ տեսանյութում։
