01.11.2024 | 16:29
Բրնձի առանձին տեսակների նկատմամբ սահմանվել է սակագնային քվոտա
Հայաստանը Ֆրանսիայից 36 CAESAR համակարգ է գնել, դրանք կմատակարարվեն 15 ամսում․ Le Figaro-ի փոխտնօրեն
Քաղաքականություն
19.06.2024 | 17:05
Ֆրանսիական «Le Figaro» պարբերականի փոխտնօրեն Ժան-Քրիստոֆ Բուիսոնը X-ի իր էջում անդրադարձել է Հայաստանի ու Ֆրանսիայի միջև կնքված CAESAR հրետանային համակարգերի ձեռքբերման գործարքին։
«Ադրբեջանի դեմ պաշտպանությունն ուժեղացնելու համար Հայաստանը Ֆրանսիայից գնել է 36 CAESAR հրետանային համակարգ, որոնք պետք է մատակարարվեն առաջիկա 15 ամիսների ընթացքում»,-նշել է Բուիսոնը։
Հիշեցնենք, որ Ֆրանսիայի զինված ուժերի նախարար Սեբաստիան Լըկորնյուն, անդրադառնալով ՀՀ ՊՆ ղեկավար Սուրեն Պապիկյանի հետ հանդիպմանը, հայտնել էր CAESAR-ի ձեռքբերման պայմանագրի կնքման մասին։
«Մենք շարունակում ենք ամրապնդել մեր պաշտպանական հարաբերությունները Հայաստանի հետ։ Ջերմ և արդյունավետ հանդիպում իմ պաշտոնակից Սուրեն Պապիկյանի հետ՝ Eurosatory-ի շրջանակում։ Նոր կարևոր մեկնարկ՝ CAESAR հրետանային համակարգերի ձեռքբերման պայմանագրի կնքմամբ»,- գրել էր Լըկորնյուն X-ում։
Հայաստանի ռազմական գերատեսչությունն էլ հայտնել էր, որ Սուրեն Պապիկյանի՝ Ֆրանսիա կատարած աշխատանքային այցի շրջանակում հունիսի 17-ին ՀՀ պաշտպանության նախարարության և KNDS ֆրանսիական ռազմարդյունաբերական ընկերության միջև կնքվել է ռազմատեխնիկական համագործակցության պայմանագիր։
Էմմա Չոբանյան
CAESAR․ ինչ հնարավորություններով է օժտված ֆրանսիական հրետանային համակարգը
