17.02.2026 | 18:51
Ունեմ համոզմունք, որ գործընթացը գնալու է ՀԷՑ-ը պետության գերակա շահ ճանաչելու տարբերակով․ Դավիթ Ղազինյան
Եթե Վրաստանի կառավարության սեպտեմբերի 15-ի որոշումն ուժի մեջ մտնի՝ մենք շատ լուրջ խնդիրներ կունենանք որպես երկիր․ Էդմոն Մարուքյան․ ՏԵՍԱՆՅՈՒԹ
Տնտեսություն
29.08.2018 | 11:49
Ազգային ժողովի «Ելք» խմբակցության պատգամավոր Էդմոն Մարուքյանն այսօր օրենսդիրի արտահերթ նիստի ընթացքում պատգամավորների ուշադրությունը հրավիրեց Վրաստանի կառավարության ընդունած որոշման վրա, որի հետևանքով սեպտեմբերի 15-ից Վրաստանի վերգետնյա ճանապարհներով արգելվելու է Հայաստան հացահատիկի ներմուծումը։
«Վրաստանում սեպտեմբերի 15-ից կառավարության որոշում է ուժի մեջ մտնելու, որի հետևանքով հացահատիկը ՀՀ այլևս վերգետնյա տրանսպորտով չի կարող ներկրվել։ Ես խոսել եմ տրանսպորտային ընկերությունների ղեկավարների հետ, իրենք նշում են, որ յուրաքանչյուր տոննայի մեջ 50 դոլարով կթանկանա, եթե միայն բեռները գան Փոթիով»,- ասաց պատգամավորը։
Էդմոն Մարուքյանը նշեց, որ Հայաստան-Վրաստան բարեկամական խումբը պետք է այս հարցով զբաղվի խորհրդարանական մակարդակով, քանի որ ժամանակը շատ կարճ է։
«Եթե սեպտեմբերի 15-ից այս որոշումն ուժի մեջ մտնի, մենք շատ լուրջ խնդիրներ կունենանք որպես երկիր՝ առանց այն էլ հացը թանկացել է ՌԴ-ում հացահատիկի թանկացման հիմքով, հիմա էլ կարող է թանկանալ Վրաստանի վերգետնյա տրանսպորտով ներմուծվելու հիմքով»,- ասաց նա։
Մանրամասները՝ տեսանյութում։
