07.10.2026 | 12:47
Դատախազությունը պահանջում է ՊԵԿ նախկին պաշտոնյայից հօգուտ պետության բռնագանձել 3 անշարժ գույք, մեքենա և շուրջ 450 մլն դրամ
Վահե Ղազարյանը պատրաստ է ընդունել Բագրատ արքեպիսկոպոս Գալստանյանին՝ առանց լրագրողների
Քաղաքականություն
29.05.2024 | 12:07
«Տավուշը հանուն հայրենիքի» շարժման մասնակիցները՝ Բագրատ արքեպիսկոպոս Գալստանյանի առաջնորդությամբ այսօր առավոտյան գնացել են Ներքին գործերի նախարարություն՝ հանդիպելու Վահե Ղազարյանին և խոսելու ոստիկանների երեկվա գործողություններից, երբ Սարդարապատում վերջինները փորձում էին արգելել Ամենայն հայոց կաթողիկոս Գարեգին Բ-ի մուտքը։ Ոստիկանության շենքի առջև ոստիկանական ուժերն էին պատ կազմել՝ փակելով մուտքերը։
ՆԳՆ մամուլի խոսնակ Նարեկ Սարգսյանը մոտեցավ Բագրատ արքեպիսկոպոս Գալստանյանին՝ հայտնելով, որ նախարար Ղազարյանը հանդիպման է։ Կարճ ժամանակ անց ՀՀ ոստիկանապետ Արամ Հովհաննիսյանը Գալստանյանին հրավիրեց ՆԳ նախարարի հետ հանդիպման՝ առանց լրագրողների ներկայության և ոչ հանրային ֆորմատով։
Factor.am-ը տեղեկացավ, որ հանդիպումը դեռ չի կայացել, «Տավուշը հանուն հայրենիքի» շարժման առաջնորդը սպասում է ՆԳՆ շենքի դիմաց։
Արփի Հակոբյան
