23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Սերժ Սարգսյանի գործով դատավորը հեռացավ խորհրդակցական սենյակ՝ դատական ակտ կայացնելու
Հասարակություն
22.05.2024 | 17:31
Հայաստանի երրորդ նախագահ Սերժ Սարգսյանի գործով դատավորը քիչ առաջ հեռացավ խորհրդակցական սենյակ՝ դատավճիռ կամ որոշում կայացնելու։ Դատավոր Վահե Միսակյանը հայտնեց, որ դատական ակտը կհրապարակվի մայիսի 29-ին։
Հիշեցնենք, որ Սերժ Սարգսյանը, «Ֆլեշ» ընկերության սեփականատեր Բարսեղ Բեգլարյանը և նախկին Գյուղատնտեսության նախարարության բուսաբուծության վարչության պետ Գևորգ Հարությունյանը մեղադրվում են պետությունից առանձնապես խոշոր չափի յուրացում կատարելու մեջ։
Դատախազությունն արդեն իսկ հանդես է եկել ճառով և պահանջել է Սերժ Սարգսյանին, Բարսեղ Բեգլարյանին և Գևորգ Հարությունյանի մեղավոր ճանաչել, բայց ազատել պատասխանատվությունից, քանի որ անցել է նրանց վերագրվող արարքի վաղեմության ժամկետը։
Պաշտպանական կողմն էլ պահանջել է ճանաչել և հռչակել Սարգսյանի, Հարությունյանի և Բեգլարյւանի անմեղությունը։
Արաքս Մամուլյան
