09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Թուրքիայի ցամաքային զորքերի հրամանատարը Բաքվում ռազմական համագործակցության հարցեր է քննարկել
Քաղաքականություն
22.05.2024 | 16:00
Թուրքիայի ԶՈւ ցամաքային զորքերի հրամանատար Սելջուկ Բայրաքթարօղլուն պաշտոնական այցով Բաքվում է։ Ադրբեջանի ՊՆ-ի հաղորդմամբ՝ նրա գլխավորած պատվիրակությանը հանդիպել է երկրի պաշտպանության նախարար Զաքիր Հասանովի հետ։
Կողմերն ընդգծել են նման հանդիպումների նշանակությունը երկու երկրների ռազմական համագործակցության զարգացման գործում։ Քննարկվել են նաև ռազմական, ռազմատեխնիկական ոլորտներում համագործակցության զարգացման հեռանկարները և տարածաշրջանային անվտանգության հարցեր։
Թուրքական պատվիրակությունը հանդիպել է նաև Ադրբեջանի ԶՈՒ գլխավոր շտաբի պետ, գեներալ-գնդապետ Քերիմ Վելիևի և պաշտպանության նախարարի խորհրդական, գեներալ-գնդապետ Բախտիյար Էրսայի հետ։ Ի դեպ, վերջինը թուրքական բանակի սպա է, Ադրբեջանում Թուրքիայի ԶՈՒ հատուկ նշանակության խմբավորման հրամանատարը։
Պաշտոնական այցի շրջանակում թուրքական պատվիրակության անդամները հանդիպել են Ադրբեջանի ցամաքային զորքերի հրամանատար, գեներալ-լեյտենանտ Հիքմեթ Միրզոևը։ Հանդիպմանն ընդգծվել է երկու երկրների զինվորականների պրոֆեսիոնալիզմի բարձրացման և փորձի փոխանակման նպատակով համատեղ զորավարժությունների անցկացման կարևորությունը։
