13.06.2026 | 00:58
ԱԱ-2026․ Կանադան խուսափեց պարտությունից Բոսնիա և Հերցեգովինայի դեմ խաղում․ ՏԵՍԱՆՅՈՒԹ
Իրանի նախագահի պարտականությունները ժամանակավորապես կկատարի առաջին փոխնախագահ Մոհամմադ Մոխբերը
Քաղաքականություն
20.05.2024 | 11:26
Իրանի առաջին փոխնախագահ Մոհամմադ Մոխբերը ժամանակավորապես կկատարի ավիավթարի արդյունքում զոհված երկրի նախագահ Էբրահիմ Ռաիսիի պարտականությունները։ Այս մասին հայտնում է ISNA գործակալությունը։
Նշվում է, որ համաձայն Իրանի սահմանադրության՝ նա կկատարի այդ պարտականությունները 50 օրվա ընթացքում՝ մինչ նոր նախագահական ընտրությունները։
«Առաջին փոխնախագահը, համաձայն Իրանի Սահմանադրության 131-րդ հոդվածի, ստանձնում է նախագահի պարտականությունները, իսկ օրենսդիր և դատական իշխանության ղեկավարներից ու փոխնախագահից կազմված խորհուրդը պետք է կազմակերպի նոր նախագահի ընտրությունը 50 օրվա ընթացքում»,- ասվում է հաղորդագրության մեջ։
Հիշեցնենք՝ Իրանի նախագահ Էբրահիմ Ռայիսիի ուղղաթիռի հետ կապված միջադեպը տեղի է ունեցել կիրակի կեսօրից հետո։ Նախնական տվյալներով՝ այն կոշտ վայրէջք է կատարել Իրանի Արևելյան Ադրբեջան նահանգի Վերզեգանի շրջանում։ Դեպքի վայր են ուղարկվել զինված ուժերի, ոստիկանության և Իրանի Կարմիր մահիկի կազմակերպության ներկայացուցիչներ, սակայն փրկարարական աշխատանքները լրջորեն բարդացել են եղանակային պայմանների և տեղանքի պատճառով։
