24.06.2026 | 19:34
Որքա՞ն արժե ծիրանը․ գյուղացիները բերքի իրացման այլընտրանքներ են փնտրում. ՏԵՍԱՆՅՈՒԹ
ԱՀԿ-ն հայտնել է բակտերիաների հանդեպ հակաբիոտիկների կայունության ուժեղացման մասին
Քաղաքականություն
17.05.2024 | 22:30
Առողջապահության համաշխարհային կազմակերպության (ԱՀԿ) հրապարակած զեկույցում ասվում է, որ դեղերի հանդեպ որոշ բակտերիաների դիմակայունությունն աճել է 2017 թվականին հետազոտությունների մեկնարկից ի վեր՝ նվազեցնելով շատ հակաբիոտիկների արդյունավետությունը և սպառնալով ժամանակակից բժշկության առաջընթացին:
«2017 թվականին առաջնահերթ բակտերիալ պաթոգենների առաջին ցուցակի հրապարակումից ի վեր հակամանրէային դիմադրության (AMR) վտանգը մեծացել է, ինչը խաթարում է շատ հակաբիոտիկների արդյունավետությունը և սպառնում է ժամանակակից բժշկության բազմաթիվ առաջընթացներին»,- ասել է ԱՀԿ-ի հակամանրէային գծով գլխավոր տնօրենի տեղակալ Յուկիկո Նատականին:
Զեկույցում նշվում է նաև, որ կարևոր պաթոգեն միկրոօրգանիզմները, ինչպիսիք են գրամ բացասական բակտերիաները և Mycobacterium tuberculosis, դիմացկուն են դարձել հակաբիոտիկ ռիֆամպիցինի նկատմամբ, ինչը լուրջ գլոբալ վտանգ է ներկայացնում դրանց մեծ ծանրաբեռնվածության ու բուժմանը դիմակայելու և այլ բակտերիաների նկատմամբ դիմադրություն տարածելու ունակության պատճառով:
Ընդհանուր առմամբ, հրապարակված ցանկը ներառում է 23 պաթոգեն, որոնք կայուն են տարբեր դեղերի նկատմամբ։
