24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Բելառուսում ակտիվիստ Կրավցովը հեռակա դատապարտվել է 11 տարվա ազատազրկման
Քաղաքականություն
17.05.2024 | 17:09
Բելառուսի ընդդիմության համակարգող խորհրդի գործադիր քարտուղար Իվան Կրավցովը հեռակա կարգով Մինսկի քաղաքային դատարանի կողմից դատապարտվել է 11 տարվա ազատազրկման խիստ ռեժիմի գաղութում, գրում է DW-ի ռուսական ծառայությունը։
Ըստ բելառուսական «Գարուն» իրավապաշտպան կենտրոնի՝ Կրավցովին մեղադրանք է առաջադրվել չորս քրեական հոդվածներով՝ ծայրահեղական խմբավորման ստեղծում, խարդախություն, դավադրություն կամ այլ գործողություններ իշխանությունը զավթելու համար, սոցիալական այլ հակասությունների տարածում։
Իվան Կրավցովը բելառուս քաղաքական գործիչ է, ճարտարապետ և մենեջեր, նշում է «Գարունը»: Նա «Միասին» կուսակցության ստեղծման կազմկոմիտեի անդամ է, 2020 թվականի ընտրություններում եղել է Բելառուսի նախագահի չգրանցված թեկնածու Վիկտոր Բաբարիկոյի թիմի կազմում։
