23.02.2026 | 12:10
Հոկեյի Հայաստանի հավաքականը երկու անգամ հաղթել է Չեխիայի թիմին
Լուկաշենկոն Ալիևին օգնություն է առաջարկել Արցախի «վերականգնման ծրագրերում»
Քաղաքականություն
16.05.2024 | 15:44
Պետական այցով Բաքվում գտնվող Բելառուսի նախագահ Ալեքսանդր Լուկաշենկոն հանդիպել է Ադրբեջանի նախագահ Իլհամ Ալիևի հետ։ Երկրների ղեկավարների առանձնազրույցին հետևել են ընդլայնված կազմով բանակցությունները։ Բելառուսական ԲԵԼՏԱ-ի փոխանցմամբ՝ Լուկաշենկոն Ադրբեջանին օգնություն է առաջարկել Արցախի տարածքների վերականգնման հարցում։
«Հիմա եկել է դժվարին ժամանակը, երբ պետք է վերածնել այդ հողերը, պետք է վերադարձնել մարդկանց։ Հաղթել եք, հաղթանակը պահել, հիմա պետք է վերակենդանացնել»,- ասել է նա՝ նշելով, որ Բելառուսը պատրաստ է աջակցել այդ ուղղությամբ։
«Եթե մենք կարող ենք ինչ-որ բանով օգնել, բարեկամաբար մասնակցել այդ գործին՝ տեխնիկա, ագրոքաղաքներ, աշխատատեղեր, որոշակի տեխնոլոգիաներ․․․ եթե դրանք պիտանի են, մեր տեխնիկան կարող է այստեղ մասնակցել ու աշխատել։ Ես բանակցություններում Իլհամ Ալիևին խնդրեցի, եթե հնարավոր է՝ Բելառուսին ինչ-որ տեղ տրամադրել, նախագահ Ալիևն աջակցել է այդ մոտեցմանը»,- հավելել է Լուկաշենկոն։
Նա նաև հայտարարել է, որ Բելառուսի և Ադրբեջանի հարաբերություններում փակ թեմաներ չկան, կողմերը միանման են ընկալում աշխարհը և այն, թե ուր են շարժվում։
