06.12.2025 | 22:41
Պետք է շարունակենք մեր ծառայությունը բերել մեր ժողովրդին. Գարեգին Բ-ն` Փաշինյանի քայլերի մասին. ՏԵՍԱՆՅՈՒԹ
120 ՀԿ-ներ Վրաստանի կառավարությունից պահանջում են հետ կանչել «օտարերկրյա գործակալների մասին» օրենքը
Քաղաքականություն
16.05.2024 | 14:44
120 կազմակերպություններ համատեղ հայտարարությամբ կոչ են արել Վրաստանի կառավարությանը՝ անվերապահորեն հետ կանչել «օտարերկրյա գործակալների մասին» օրենքը։ Հայտարարության մեջ ասվում է, որ օրենքը դարձել է ժողովրդի նկատմամբ իշխանությունների բռնության, երկրին ահաբեկելու և դավաճանության խորհրդանիշ:
«Վրաստանում Պուտինի կանոնները հաստատելու փորձը դավաճանություն է մեր բոլոր նախնիների ու հայրենակիցների նկատմամբ, ովքեր ավելի քան երկու հարյուր տարի պայքարել և պայքարում են Վրաստանի «ռուսացման» դեմ։ Մինչ ամբողջ միջազգային հանրության կողմից դատապարտված օրինագիծը օրենք կդառնա՝ մնում է նախագահական վետոն, որը խորհրդարանը չպետք է անտեսի: Մենք ևս մեկ անգամ հայտարարում ենք, որ վրաց ժողովուրդը չի ընդունի ռուսական օրենքները, բռնի կառավարումը և անջատումն արևմտյան աշխարհից։
Մենք լիովին կիսում ենք Վրաստանի նախագահի դիրքորոշումը, որ անհնար է բարելավել այս օրենքը, և Եվրահանձնաժողովի հայտարարությունը, համաձայն որի՝ օրենքը պետք է հետ կանչվի։ Օրենքն այլևս սոսկ իրավական տեքստ չէ, այլ դարձել է ժողովրդի նկատմամբ իշխանությունների բռնության, երկրի նկատմամբ ահաբեկման և դավաճանության խորհրդանիշ։ Այս բռնությունը զսպելու և արևմտյան վեկտորը փոխելու իրավական հետևանքը կլինեն անձնական ֆինանսական պատժամիջոցները, որոնք կկիրառվեն նրանց նկատմամբ, ովքեր անձնական շահերը վեր են դասում երկրի սահմանադրությունից:
Վրաց ժողովրդի կամքն անդրդվելի է: Մեր նավը շարժվում է դեպի Եվրոպա։ Եվս մեկ անգամ կրկնում ենք՝ կառավարությունը պետք է անվերապահորեն հետ կանչի այս օրենքը։ Այո՛ Եվրոպային։ Ո՛չ ռուսական օրենքին»,- հայտարարությունը փոխանցում է Գրուզիա օնլայնը։
