07.10.2026 | 13:05
Կառուցապատողներին հիշեցրել են՝ գնման իրավունքի պայմանագրերում սպառողների իրավունքները խախտող պայմաններ չեն կարող լինել
Նոր հարված Բելգորոդին. բազմաբնակարան շենքեր և դպրոց է վնասվել
Քաղաքականություն
14.05.2024 | 11:14
«Այսօր առավոտյան Բելգորոդը հայտնվել է Ուկրաինայի զինված ուժերի կրակի տակ՝ ևս մեկ հարված բնակելի թաղամասին»,- Telegram-ում գրել է քաղաքի քաղաքապետ Վալենտին Դեմիդովը՝ հրապարակելով լուսանկար, փոխանցում է BBC-ի ռուսական ծառայությունը։
Նրա խոսքով՝ բեկորային վնասվածքով հոսպիտալացվել է տարեց մի կին։ Ավելի վաղ առավոտյան Բելգորոդի նահանգապետ Վյաչեսլավ Գլադկովը հայտնել էր, որ տուժածը ողնաշարի վնասվածք ունի։
«Ինը բազմաբնակարան շենքերի 21 բնակարանների պատուհանները կոտրվել են, երեք մասնավոր բնակելի շենքերի տանիք է վնասվել, վնասվել է նաև դպրոցը՝ կոտրվել են ապակիներն ու վնասվել է շենքի ճակատային մասը։ Այս պահին տվյալներ կան վեց վնասված մեքենաների մասին»,- հավելել է Դեմիդովը։
ՌԴ ՊՆ-ն իր զեկույցում նշել է, որ գիշերը Բելգորոդի շրջանում ոչնչացվել է համազարկային կրակի RM-70 Vampire համակարգից արձակված 25 արկ։
Հիշեցնենք՝ կիրակի օրը Բելգորոդում տեղի ունեցած պայթյունի պատճառով փլուզվել էր 10-հարկանի շենքի մուտքը, ինչի հետևանքով 15 մարդ էր զոհվել։ ՌԴ ՊՆ-ի տեղեկություններով պայթյունը գրանցվել է ուկրաինական «Տոչկա-Ու»-ից արձակված հրթիռից։
