07.10.2026 | 11:20
Հայտնի է հունահռոմեական ոճի ըմբշամարտի Հայաստանի հավաքականի կազմն ԱԱ-ում
Ուկրաինայում փոխել են «Խարկով» խմբավորման հրամանատարին՝ ռուսական հարձակումների ֆոնին
Քաղաքականություն
13.05.2024 | 18:16
Խարկովի մարզում անցյալ շաբաթվանից սկսված ռուսական հարձակումների ֆոնին՝ Ուկրաինայի զինված ուժերի ղեկավարությունը փոխել է զորքերի «Խարկով» օպերատիվ-մարտավարական խմբի հրամանատարին։ Մեկ ամիս առաջ նշանակված Յուրի Գալուշկինին փոխարինել է ԶՈՒ ԳՇ պետի տեղակալ Միխայիլ Դրապատին։ Այս մասին հայտնում են ուկրաինական լրատվամիջոցները, փոխանցում է Current Time-ը։
Այս նշանակումը տեղի է ունեցել մայիսի 11-ին։ Դրապատին շարունակելու է կատարել նաև ԳՇ-ում իր պարտականությունները։ Պաշտոնապես այս մասին դեռևս չի հաղորդվում։
Մինչ զինվորականների պատրաստության գծով Զինված ուժերի գլխավոր շտաբի պետի տեղակալ նշանակվելը՝ Դրապատին ղեկավարել է Խերսոնի օպերատիվ-մարտավարական խումբը։ Նրա հրամանատարությամբ ուկրաինական զորքերի ստորաբաժանումներից մեկը մասնակցել է 2022 թվականին Խերսոնի ապաօկուպացմանը։
Ավելի վաղ ՌԴ ՊՆ-ն հայտնել էր, որ մայիսի 11-12-ը ռուսական զորքերը գրավել են Գատիշչե, Կրասնոյե, Մորոխովեց և Օլեյնիկովո բնակավայրերը, մարտեր են ընթանում Դեգտյարնոյե, Վոլչանսկ և Կազաչյա Լոպան բնակավայրերում։
Ուկրաինայի զինված ուժերի գլխավոր շտաբն ընդունել է ռուս զինվորականների մարտավարական հաջողությունները Վոլչանսկի շրջանում։
