24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
ՌԴ զորքերը շրջապատել են Խարկովի Վոլչանսկ բնակավայրը․ բնակիչները տարհանվում են
Քաղաքականություն
13.05.2024 | 15:51
Ռուսական զորքերն արդեն մի քանի օր է՝ հարձակում են իրականացնում Խարկովի մարզում. անցած հանգստյան օրերին նրանք գրավել են սահմանամերձ շրջանների մի քանի բնակավայրեր և հասել են Վոլչանսկ քաղաքի ծայրամասեր։ Այս մասին պաշտոնապես հայտնել են ՌԴ պաշտպանության նախարարությունից և Ուկրաինայի զինված ուժերի գլխավոր շտաբից, փոխանցում է Current Time-ը։
Ռուսական ռազմական գերատեսչության տվյալներով՝ ՌԴ ԶՈւ հյուսիսային խմբավորման ստորաբաժանումներն արդեն գրավել են Խարկովի մարզի Գատիշչե, Կրասնոյե, Մորոխովեց և Օլեյնիկովո բնակավայրերը, մարտերը շարունակվում են Դեգտյարնոյե, Վոլչանսկ և Կազաչյա Լոպա բնակավայրերում:
Ուկրաինայի զինված ուժերի գլխավոր շտաբն ընդունել է ռուս զինվորականների մարտավարական հաջողությունները Վոլչանսկի շրջանում։ ԶՈւ գլխավոր հրամանատար Ալեքսանդր Սիրսկին այս հատվածում իրավիճակը բարդ է անվանել, սակայն վստահեցրել է, որ Ուկրաինայի զինված ուժերն ամեն ինչ անում են Խարկովի մարզում պաշտպանական գծերն ու դիրքերը պահպանելու համար։
«Մենք գիտենք հակառակորդի ծրագրերը և ճկուն ենք արձագանքում նրա բոլոր գործողություններին, պաշտպանությունն ուժեղացնելու համար ձեռնարկվում են բոլոր անհրաժեշտ միջոցները, իսկ որոշումները կայացվում են արագ՝ ներառյալ կադրային որոշումները»,- ընդգծել է Սիրսկին։
Ուկրաինայի ԶՈՒ գլխավոր շտաբի տեղեկություններով՝ մայիսի 13-ի առավոտվա դրությամբ կատաղի մարտեր են ընթանում բնակավայրերի տարածքում, որոնց գրավման մասին ավելի վաղ հայտարարել էր ՌԴ պաշտպանության նախարարությունը։ Ուկրաինացի զինվորականները հայտարարում են, որ որոշ հատվածներում հակահարձակում են իրականացնում:
