07.10.2026 | 15:01
«Էրեբունի-Երևան 2808»-ի միջոցառումներով պայմանավորված մի շարք փողոցներ կփակվեն
Ալիևը հայտարարել է, թե «սահմանազատումն իրականացվում է Բաքվի պայմաններով»
Քաղաքականություն
10.05.2024 | 20:59
Եթե մենք տեսնենք, որ Ֆրանսիայի կողմից Հայաստանին տրամադրվող մահաբեր զենքերը հասնում են կրիտիկական մակարդակի, մեզանից ոչ ոք չպետք է նեղանա։ Նման հայտարարություն է արել Ադրբեջանի նախագահ Իլհամ Ալիևը Արցախի հայկական Շուշի քաղաքում բնակեցվող մարդկանց հետ հանդիպմանը։
«Ամեն դեպքում՝ բոլորը գիտեն, թե մենք ինչի ենք ընդունակ, ինչի է ունակ մեր բանակը և որքան ուժեղ է մեր կամքը։ Մեզ ոչ ոք չի կարող դիմադրել։ Ոչ ոք չի կարող մեզ ինչ-որ բան թելադրել կամ խառնվել մեր ներքին գործերին։ Մենք կանենք այն, ինչ անհրաժեշտ ենք համարում»,- ասել է Ալիևը՝ դժգոհելով հայ-ֆրանսիական ռազմական համագործակցությունից։
«Նայեք մեզ այսօր, ովքեր, ինչպես ասում են, գլխավոր դերն են խաղում՝ Ֆրանսիան ու Ամերիկան։ Պետք է հստակ ասել, առավել ևս՝ Ֆրանսիային։ Նրանք պետք է իմանան, որ մեր կամքից դուրս որևէ հարց չի կարող լուծվել այս տարածաշրջանում։ Ինչ-որ դեսպանի Շուշի (նկատի ունի ԱՄՆ դեսպանի Շուշի այցը) գալը մեզ որպես շնորհակալություն չպետք է ներկայացվի։ Գալով-չգալով ոչինչ չի փոխվում։ Այստեղ՝ այս հողում, մենք ենք ասելու։ Ուզում եմ ևս մեկ անգամ ասել և՛ ադրբեջանական ժողովրդին, և՛ նրանց, ովքեր հետաքրքրված են այս տարածաշրջանով, որ այստեղ ոչ մի քայլ չպետք է արվի առանց մեզ հաշվի առնելու»,- հայտարարել է Ալիևը։
Նա նաև նշել է, թե «սահմանազատումն ու սահմանագծումն իրականացվում է Բաքվի պայմաններով, և դա հաջորդ հաղթանակն է, և որ Ղազախի օկուպացված հողերը վերադարձվում են առանց մեկ կրակոց արձակելու»:
