08.12.2025 | 18:09
Հայաստանում սպանված չեչենուհի Այշաթ Բայմուրադովային թունավորել են. նա Կադիրովի ազգականուհին էր. աղբյուր
Եվրոպական ութ երկրներ զգուշացրել են՝ Վրաստանի եվրոպական ապագան վտանգված է
Քաղաքականություն
10.05.2024 | 19:11
Սկանդինավյան և Բալթյան երկրները հանդես են եկել համատեղ հայտարարությամբ՝ զգուշացնելով, որ վրացական իշխանություններն ընտրել են մտահոգիչ ուղիգիծ, որը ոչնչացնում է Վրաստանի եվրոպական ապագան։ Այս մասին ասվում է ութ երկրների համատեղ հայտարարության մեջ, որը հրապարակել է Շվեդիայի ԱԳՆ-ն, գրում է Գրուզիա օնլայնը։
Հայտարարությունը պատրաստվել է տարածաշրջանային համագործակցության ձևաչափի շրջանակում, որն ընդգրկում է Դանիան, Էստոնիան, Ֆինլանդիան, Իսլանդիան, Լատվիան, Լիտվան, Նորվեգիան և Շվեդիան։
Երկրները հայտարարել են, որ անցյալ դեկտեմբերին Վրաստանին ԵՄ անդամության թեկնածուի կարգավիճակ շնորհելով՝ Բրյուսելը ցույց տվեց, որ աջակցում է վրաց ժողովրդի ձգտումներին։
«Վրաստանին տրվել է հստակ ճանապարհ՝ սկսելու անդամակցության բանակցությունները, այնուհետև՝ Եվրամիությանը միանալու համար: Այնուամենայնիվ, վերջերս վրացական իշխանություններն ընտրել են մտահոգիչ հետագիծ, որը ոչնչացնում է Վրաստանի եվրոպական ապագան»,- ասվում է հայտարարության մեջ:
Նշվում է, որ Վրաստանի խորհրդարանում քննարկվող «օտարերկրյա գործակալների» մասին օրինագիծն անհամատեղելի է եվրոպական նորմերի ու արժեքների հետ։
