11.08.2026 | 13:12
24 ժամ ջուր չի լինի Երևանի և Կոտայքի մարզի մի շարք հասցեներում
Բորելը հայտարարել է, որ Իսպանիան, Իռլանդիան ու ԵՄ մի շարք այլ անդամներ պատրաստվում են ճանաչել Պաղեստինը
Քաղաքականություն
10.05.2024 | 21:14
Իսպանիան, Իռլանդիան ու Եվրամիության անդամ մի շարք այլ երկրները ծրագրում են մայիսի 21-ին ճանաչել Պաղեստին պետությունը։ Այս մասին ասել է ԵՄ արտաքին քաղաքականության ղեկավար Ժոզեպ Բորելը ՄԱԿ-ում սպասվող քվեարկությունից առաջ՝ կազմակերպությանը Պաղեստինի լիիրավ անդամ դառնալու հայտի վերաբերյալ, գրում է Reuters-ը։
Իսպանական RNE ռադիոկայանի եթերում պատասխանելով հարցին՝ արդյո՞ք մայիսի 21-ն Իսպանիան, Իռլանդիան և ԵՄ այլ երկրներ կճանաչեն Պաղեստին պետությունը, Բորելը պատասխանել է՝ այո, միաժամանակ, նշելով Սլովենիայի մասին:
«Սա քաղաքական բնույթի խորհրդանշական ակտ է։ Ավելին է, քան պետություն, այն ճանաչում է այդ պետության գոյության կամքը»,- ասել նա՝ հավելելով, որ, հավանաբար, այդ օրինակին հետևելու են Բելգիան ու այլ երկրներ։
Ավելի վաղ Իռլանդիայի ազգային հեռարձակող RTE-ն հայտարարել էր, որ Իսպանիան, Իռլանդիան, Սլովենիան և Մալթան սպասում են ՄԱԿ-ի քվեարկությանը և քննարկում են մայիսի 21-ին Պաղեստինի համատեղ ճանաչման հարցը:
