07.10.2026 | 13:54
Միրզոյանի նախագահությամբ տեղի է ունեցել ՅՈՒՆԵՍԿՕ-ի Հայաստանի ազգային հանձնաժողովի նիստը
«Եվրատեսիլ 2024»-ը հյուրընկալած Մալմյոյում հակաիսրայելական բողոքի երթ է անցկացվել
Քաղաքականություն
10.05.2024 | 17:11
Շվեդական Մալմյոյում, որտեղ անցկացվում է «Եվրատեսիլ 2024» երգի միջազգային մրցույթը, պաղեստինամետ ակտիվիստները դուրս են եկել քաղաքի կենտրոն՝ բողոքելու մրցույթին Իսրայելի դեմ, գրում է Euronews-ը։
Պաղեստինի դրոշներով հազարավոր մարդիկ երթով շարժվել են դեպի Մալմյոյի կենտրոն՝ բողոքելու «Եվրատեսիլ 2024»-ին Իսրայելի մասնակցության դեմ։ Նախօրեին անցկացված արկրորդ կիսաեզրափակիչին ելույթ է ունեցել Իսրայելի պատվիրակ Էդեն Գոլանը։
Բողոքի ակցիայի մասնակիցներն իրենց դժգոհությունն են հայտնել այս առնչությամբ՝ համեմատություն անցկացնելով «Եվրատեսիլ 2024»-ին Ռուսաստանի մասնակցությունը կասեցնելու հետ։ Վկայակոչելով Գազայի զոհված խաղաղ բնակիչների տվյալները՝ նրանք անկլավում հրադադար են պահանջել։
Քաղաքում երգի մրցույթի ընթացքում կարգը պահպանելու համար շվեդական ոստիկանության լրացուցիչ ուժեր են տեղակայվել։ Նրանց օգնության են հասել Դանիայից ու Նորվեգիայից ժամանած ոստիկանները։
«Եվրատեսիլ 2024»-ի կազմակերպիչները, որն անցկացվում է «United by Music» կարգախոսով, հրաժարվել են հեռացնել իսրայելցի երգչուհուն։ Նրանք պնդում են, թե «մրցույթը բացառապես երաժշտական իրադարձություն է, որտեղ քաղաքականության համար տեղ չկա»։
Պաղեստինամետ ակտիվիստներն արդեն հայտարարել են, որ շաբաթ՝ մայիսի 11-ին, երբ կայանալու է մրցույցի եզրափակիչը, կրկին բողոքի երթ են կազմակերպելու։
