07.10.2026 | 11:12
«Արմավիր» ՔԿՀ-ում դրոնով 6 բջջային հեռախոս է փորձ արվել փոխանցել
Իսրայելի ուժը կբավականացնի միայնակ կռվելու համար․ Նեթանյահու
Քաղաքականություն
10.05.2024 | 13:33
Իսրայելի վարչապետ Բենիամին Նեթանյահուն Գազայի հատվածում իսրայելական ռազմական գործողության վերաբերյալ միջազգային քննադատությունների ֆոնին հայտարարել է իսրայելցիների պատրաստակամության մասին՝ անհրաժեշտության դեպքում միայնակ կռվելու, գրում է DW-ի ռուսական ծառայությունը։
«Եթե մենք ստիպված լինենք միայնակ մեզ տեր կանգնել, ապա մենք միայնակ կկանգնեն։ Եթե պետք է, կկռվենք եղունգներով ու կհաղթենք»,- ասել է նա մայիսի 9-ին հրապարակված տեսաուղերձում։
Ավելի վաղ ԱՄՆ նախագահ Ջո Բայդենը սպառնացել էր Իսրայելին ռազմական մատակարարումների հետագա կրճատումներով, եթե նա լայնածավալ ռազմական գործողություններ սկսի պաղեստինյան Ռաֆահ քաղաքում, որտեղ ավելի քան մեկ միլիոն փախստական կա, որոնք փախել են Գազայի հատվածի այլ շրջաններից:
Ի պատասխան՝ Նեթանյահուն հիշեցրել է 1948 թվականի Իսրայելի անկախության պատերազմի մասին։
«76 տարի առաջ անկախության պատերազմում մենք քիչ էինք շատերի դեմ։ Մենք զենք չունեինք, նույնիսկ զենքի էմբարգո կար Իսրայելի դեմ, բայց մենք, այնուամենայնիվ, հաղթեցինք»,- ասել է Իսրայելի վարչապետը՝ նշելով, որ այդ ժամանակների համեմատ՝ Իսրայելը շատ ավելի է ուժեղացել և, ի թիվս այլ բաների, միավորված է ու միասնական իր թշնամիներին հաղթելու ցանկության մեջ:
