07.10.2026 | 11:42
Հայաստանը պետք է տրամադրի անհետ կորած ադրբեջանցիների ճակատագրի վերաբերյալ ամբողջ տեղեկատվությունը․ Ալիև
Խարկովում ուսումնական հաստատության մարզադաշտին հարվածի հետևանքով դեռահասներ են վիրավորվել
Քաղաքականություն
08.05.2024 | 17:44
Ռուսական կողմը հարվածներ է հասցրել Խարկովին, որի հետևանքով վիրավորվել է 5 մարդ, այդ թվում՝ 3 դեռահաս, հայտնել է Խարկովի շրջանային վարչակազմի ղեկավար Օլեգ Սինեգուբովը։
Նրա տեղեկացմամբ՝ նրանք 12, 13 և 15 տարեկան տղաներ են։ Տուժած երեխաներից մեկի վիճակը ծանր է։
Հարվածը հասցվել է կրթական հաստատության բաց տարածքին։ Հրթիռը դիպել է մարզադաշտին, որտեղ երեխաները զբոսնելիս են եղել։
Ապրիլի սկզբին Խարկովի քաղաքապետ Իգոր Տերեխովը հայտնել էր, որ ռուսական հրթիռային հարձակումների հետևանքով ոչնչացվել են քաղաքի գրեթե բոլոր պետական և մասնավոր էներգետիկ ենթակառուցվածքները։ Ուկրաինայի իշխանությունների տվյալներով՝ ռուսական զինուժն ամեն օր հարվածներ է հասցնում քաղաքին С-300 հրթիռներով, մարտական անօդաչու թռչող սարքերով և կառավարվող զինամթերքով։
Մայիսի 7-ի լույս 8-ի գիշերը ռուս զինվորականները հրթիռներով և անօդաչու թռչող սարքերով հարվածներ են հասցրել Ուկրաինային, երկրում հայտարարվել է օդային տագնապ։ Պայթյուններ են լսվել Կիևում, Խարկովում, Պոլտավայում և Լվովում։
