05.01.2025 | 21:53
Մատուցվեց Սուրբ ծննդյան ճրագալույցի պատարագ․ ԼՈՒՍԱՆԿԱՐՆԵՐ
Տապալված ծառեր և ջրով լցված տներ. վատ եղանակը խնդիրներ է ստեղծել Թբիլիսիում
Քաղաքականություն
07.05.2024 | 21:09
Հորդառատ անձրևները խնդիրներ են ստեղծել Թբիլիսիի տարբեր շրջաններում: Գլդանուլա գետը, որը դուրս է եկել ափերից, ողողել է մայրաքաղաքի Գլդանի շրջանի տների բակերը, վնասվել են ճանապարհային ենթակառուցվածքները, գրում է Սպունիկի վրացական ծառայությունը:
Մի քանի հասցեներում արձանագրվել են ծառերի անկման և լանջերի փլուզման դեպքեր։
«Բոլոր շրջաններում, որտեղ առատ տեղումները խնդիրներ են ստեղծել, աշխատում են արտակարգ իրավիճակների կառավարման ծառայության աշխատակիցները, քաղաքապետարանի և վարչակազմի համապատասխան մարմինների ներկայացուցիչները: Աշխատանքներ են տարվում վնասի վերացման ուղղությամբ»,- հաղորդել են քաղաքապետարանի մամուլի ծառայությունից։
Թբիլիսիում ամբողջ գիշեր անդադար անձրև է տեղացել։ Օդերևութաբանների կանխատեսումների համաձայն՝ Վրաստանի մայրաքաղաքում եղանակը կպարզվի մայիսի 8-ից։
