07.10.2026 | 15:18
Ահազանգ. «Գուստավ» ռեստորանի մենեջերը թաքնված տեսախցի՞կ է տեղադրել աղջիկների զուգարանում
Ալիևը հայտարարել է, որ Ադրբեջանն ու Սլովակիան համատեղ պաշտպանական արտադրություն են սկսելու
Քաղաքականություն
07.05.2024 | 15:46
Ադրբեջանն ու Սլովակիան բանակցություններ են սկսել՝ պաշտպանական արդյունաբերության ոլորտում արտադրանքի համատեղ արտադրություն կազմակերպելու շուրջ: Այս մասին հայտարարել է Ադրբեջանի նախագահ Իլհամ Ալիևը։
«Ադրբեջանն ու Սլովակիան արդեն տվել են բանակցությունների մեկնարկը պաշտպանական արդյունաբերության ոլորտում համատեղ արտադրություն ստեղծելու շուրջ»,- ասել է Ալիևը Բաքվում Սլովակիայի վարչապետ Ռոբերտ Ֆիցոյի հետ մամուլի ասուլիսում։
Նա հայտնել է, որ այսօր կողմերի միջև բանակցությունների արդյունքում Ադրբեջանը և Սլովակիան ստորագրել են նաև պաշտպանական արդյունաբերության և պաշտպանության ոլորտում համագործակցության փաստաթղթեր։
Ալիևը նաև հայտարարել է, որ երկու երկրների համագործակցության ուղղություններից մեկը սլովակյան ընկերության գործունեությունն է Արցախի շրջաններում։ Մասնավորապես, Ակնայի գյուղերից մեկի վերակառուցումն իրականացնելու է ընկերություն Սլովակիայից։
Միաժամանակ, Բաքվում բանակցություններից հետո Ալիևն ու Ֆիցոն մի շարք փաստաթղթեր են ստորագրել, մասնավորապես, «Ադրբեջանի և Սլովակիայի միջև ռազմավարական գործընկերության մասին համատեղ հռչակագիրը»։
Ադրբեջանի պաշտպանական արդյունաբերության նախարար Վուգար Մուստաֆաևը և Սլովակիայի փոխվարչապետ, պաշտպանության նախարար Ռոբերտ Կալինակն էլ ստորագրել են «Ռազմատեխնիկական համագործակցության ոլորտում փոխըմբռնման հուշագիր՝ Ադրբեջանի պաշտպանական արդյունաբերության նախարարության և Սլովակիայի պաշտպանության նախարարության միջև»։
Ադրեջանի ՊՆ ղեկավար Զաքիր Հասանովն ու Սլովակիայի պաշտպանության նախարար Ռոբերտ Կալինակն իրենց հերթին ստորագրել են երկու երկրների գերատեսչությունների միջև պաշտպանական ոլորտում համագործակցության մասին համաձայնագիրը։
