ՀԱՄԱՍ-ը համաձայնել է Գազայում հրադադարի. Իսրայելը հայտարարել է Ռաֆահում գործողությունը շարունակելու մասին և հարվածներ հասցրել

ՀԱՄԱՍ-ի ղեկավարությունը հայտարարել է, որ խմբավորումը բանակցությունների արդյունքներով ընդունել է Գազայի հատվածում հրադադարի հաստատման պայմանները, որոնք հանգստյան օրերին առաջարկվել էին Կահիրեում։ ՀԱՄԱՍ-ից ասել են, որ այժմ «գնդակն Իսրայելի դաշտում է», սակայն Իսրայելի իշխանությունները դեռևս չեն շտապում վերջնական պատասխան տալ։

Հայտարարությունը հնչել է Եգիպտոսին սահմանակից Ռաֆահում տարհանման և ՀԱՄԱՍ-ի թաքստոցները քաղաքում գրոհելու՝ Իսրայելը պատրաստությունների ֆոնին, որտեղ ապաստանել են անկլավի հյուսիսից ավելի քան մեկ միլիոն պաղեստինցիների, գրում է BBC-ի ռուսական ծառայությունը:

Ռաֆահում հնարավոր զինադադարի մասին լուրը ցնծությամբ են դիմավորել, իսկ ԱՄՆ-ը կրկին կոչ է արել Իսրայելին՝ քաղաքում գործողություններ չսկսել։ Սակայն Իսրայելը երեկ երեկոյան կրկնել է տարհանման կոչը և սկսել հարվածներ հասցնել արևելյան Ռաֆահում։ Իսրայելի պաշտպանության բանակը խոստացել է շուտով ավելի շատ մանրամասներ հաղորդել հարվածների մասին։

ԱՄՆ-ն ընդգծում է, որ սա դեռևս Իսրայելի հարձակում չէ Ռաֆահի վրա։

Ամերիկացի պաշտոնյան անանունության պայմանով լրագրողներին ասել է, որ Միացյալ Նահանգները մտահոգված է Ռաֆահի վրա իսրայելական նոր հարվածներով, սակայն այժմ կենտրոնացած է խիտ բնակեցված քաղաքում խոշոր ռազմական օպերացիայի կանխման վրա, որը Իսրայելը, կարծես, դեռ չի ձեռնարկում:

Իսրայելի վարչապետ Բենիամին Նեթանյահուն հայտարարել է, որ երկրի ռազմական կաբինետը որոշել է շարունակել ճնշումը ՀԱՄԱՍ-ի վրա՝ հոկտեմբերի 7-ին պատանդառված իսրայելցիներին ազատ արձակելու համար։