24.06.2026 | 18:23
AI լուծումներ, աշխարհագրության ընդլայնում և շատ ավելին. Eventhub-ի նոր հնարավորություններն ու առաջարկները
Հաքերները կոտրել են Մեծ Բրիտանիայի ՊՆ տվյալների բազան
Քաղաքականություն
07.05.2024 | 13:35
Հաքերները կոտրել են տվյալների բազան, որը պարունակում է զինվորականների և Մեծ Բրիտանիայի Պաշտպանության նախարարության աշխատակիցների անձնական տվյալներ։ Այս մասին տեղեկություն են ստացել BBC-ն և Sky News-ը։
Ըստ ոչ պաշտոնական տվյալների՝ երեքշաբթի կառավարությունն այս միջադեպի մասին կտեղեկացնի պատգամավորներին։
BBC-ն տեղեկություն չունի, թե ով է կանգնած հաքերային հարձակման հետևում։ Sky News-ն էլ նշում է, որ թեև կառավարությունը չի նշում կոնկրետ երկրի անունը, սակայն կարծում է, որ հաքերները կապված են Չինաստանի իշխանությունների հետ:
BBC-ին հասանելի տեղեկատվության համաձայն՝ հաքերները մուտք են գործել համակարգ, որտեղ պահվում են զինվորականների վճարման կտրոնները և բանկային հաշիվների համարները: Որոշ դեպքերում խոսքը նաև տների հասցեների մասին է։
Կոտրված համակարգը, որը հսկում է նախարարության արտաքին կապալառուն, պարունակում է բրիտանական բանակի, նավատորմի և ռազմաօդային ուժերի ներկայիս և նախկին անդամների անձնական տվյալները՝ պետեկամուտների ծառայություն ներկայացված փաստաթղթերի տեսքով: Քանի որ խոսքն արտաքին կապալառուի համակարգիչները կոտրելու մասին է, հաքերները մուտք չեն գործել ՊՆ օպերատիվ տեղեկատվությանը։
BBC-ին հասանելի տեղեկատվության համաձայն՝ հայտնաբերելով հաքերներին՝ անմիջապես անջատել են համակարգն արտաքին հասանելիությունից։
