11.08.2026 | 22:04
Օգոստոսի 15-ը ռիսկայի՞ն կլինի Եվրոպայի համար․ Բրյուսելն ու Մադրիդը զգուշացնում են Սեուտա անօրինական մուտք գործել ցանկացողներին
Թուրքիայում մայիսի 1-ի ցույցերի համար դատարանը 38 մարդու է կալանավորել
Քաղաքականություն
06.05.2024 | 23:11
Թուրքիայում 38 մարդ, որոնք Աշխատավորների միջազգային օրը՝ մայիսի 1-ին, իբր, դիմադրել են իրավապահներին՝ փորձելով ցույց կազմակերպել Ստամբուլի Թաքսիմ հրապարակում, կալանավովել են, գրում են թուրքական լրատվամիջոցները։
Նշվում է, որ ոստիկանությունը բերման էր ենթարկել 247 մարդու իրենց բնակավայրերից՝ պնդելով, թե նրանք «հարձակվել են ոստիկանների վրա երթի ժամանակ»։
Մայիսի 4-ին 182-ն ազատ են արձակվել, իսկ 65-ը՝ կալանավորվել «Ցույցերի մասին» օրենքի խախտման համար՝ ահաբեկչական կազմակերպության քարոզչության, պետական պաշտոնյային դիմադրելու մեղադրանքով։
Թուրքիայի գլխավոր ընդդիմադիր Ժողովրդահանրապետական կուսակցությունը (CHP) կոչ է արել արհմիություններին հավաքվել Ստամբուլի Սարաչհանե թաղամասում գտնվող կուսակցության կենտրոնակայանում՝ նպատակ ունենալով երթով շարժվել դեպի Թաքսիմ հրապարակ։ Սակայն ոստիկանությունը փակել էր ճանապարհը, այնուհետև բախումներ էին տեղի ունեցել ոստիկանների ու ցուցարարների միջև։
