Քաղաքականություն
06.05.2024 | 16:08
Բրազիլիայի հարավային Ռիո Գրանդե դու Սուլ նահանգում ջրհեղեղների հետևանքով զոհերի թիվը հասել է 78-ի, վիրավորվել է 175 մարդ, ևս 111-ն անհետ կորել է, հայտնում է Ազգային քաղաքացիական պաշտպանության ծառայությունը։
Ավելի վաղ իշխանությունները հայտնել էին 72 զոհի և 103 անհետ կորածի մասին:
«Ռիո Գրանդե դու Սուլում հորդառատ անձրևներ են։ 175 մարդ վիրավորվել է, 111-ը՝ անհետ կորել, 78-ը՝ մահացել»,- հայտնել է քաղաքացիական պաշտպանության ծառայությունը X սոցիալական ցանցում։
Գերատեսչության տվյալներով՝ նահանգում ջրհեղեղներից տուժել է ավելի քան 850 հազար մարդ։
Ուրուգվայի հետ սահմանին գտնվող Բրազիլիայի ամենահարավային նահանգում առատ տեղումները սկսվել են մեկ շաբաթ առաջ: Անբարենպաստ եղանակային պայմաններում տարածաշրջան է ժամանել նախագահ Լուիս Ինասիո Լուլա դա Սիլվայի գլխավորած պատվիրակությունը։
