25.11.2024 | 10:18
Վրաստանի խորհրդարանում գործարկվել է անվտանգության դեղին մակարդակ
ԱՄՆ կոնգրեսականին մեղադրանք է առաջադրվել կաշառքի դիմաց Ադրբեջանի շահերը սպասարկելու համար
04.05.2024 | 16:18
ԱՄՆ Ներկայացուցիչների պալատի պատգամավոր, դեմոկրատ Հենրի Կուելարին և նրա կնոջը մեղադրանք է առաջադրվել մոտ 600 հազար դոլար կաշառք ստանալու և այդ միջոցները լվանալու համար․ գրում է The Hill-ը՝ վկայակոչելով ԱՄՆ արդարադատության նախարարության հայտարարությունը։
Նշվում է, որ Կուելարը մեղադրվում է ադրբեջանական նավթային ընկերությունից և մեքսիկական բանկից վճարումներ ստանալու համար։ Բացի այդ, նշվում է նաև, որ կոնգրեսականն այդ միջոցները լվացել է իր կնոջ՝ Իմելդա Կուելարին պատկանող ֆիրմային ընկերություններում խորհրդատվական ծառայությունների ֆիկտիվ պայմանագրերի միջոցով:
Արդարադատության նախարարության տվյալներով՝ «Ադրբեջանական նավթագազային ընկերության վճարած գումարների դիմաց կոնգրեսական Կուելյարը, ենթադրաբար, համաձայնել է օգտագործել իր պաշտոնը ԱՄՆ արտաքին քաղաքականության վրա Ադրբեջանի օգտին ազդելու համար»:
