24.11.2024 | 12:19
Ռումինիայում նախագահական ընտրություններ են
Տրինիդադ և Տոբագոն որոշել է Պաղեստինն անկախ պետություն ճանաչել
Քաղաքականություն
03.05.2024 | 17:18
Տրինիդադ և Տոբագոյի ղեկավարությունը որոշել է Պաղեստինը ճանաչել անկախ պետություն։ Այս մասին հաղորդվում է Կարիբյան ավազանի երկրի ԱԳՆ կայքում հրապարակված հաղորդագրության մեջ։
«Տրինիդադ և Տոբագոյի Հանրապետության կառավարությունը նախարարների կաբինետի այսօրվա նիստում որոշում է կայացրել պաշտոնապես ճանաչել Պաղեստինի պետությունը: Արտաքին գործերի և Կարիբյան հանրության գործերի նախարարի հանձնարարականով նախարարների կաբինետը որոշել է, որ Պաղեստինի պաշտոնական ճանաչումը Տրինիդադ և Տոբագոյի Հանրապետության կողմից կնպաստի կայուն խաղաղության հասնելուն՝ Պաղեստինի պետականության հարցի շուրջ աճող միջազգային փոխհամաձայնության ամրապնդման միջոցով։ Կառավարության հետևողական դիրքորոշումն այն է, որ խնդրի լուծումը երկու պետությունների ստեղծման հիման վրա միակ ելքն է բռնության շարունակվող շրջապտույտից»,- ասված է գերատեսչության հայտարարության մեջ։
Ներկայում Պաղեստինը որպես անկախ պետություն ճանաչում է ՄԱԿ-ի 193 անդամ երկրներից 141-ը, իսկ աշխարհի 95 երկրներում գործում են Պաղեստինի դեսպանություններ և մշտական ներկայացուցչություններ:
