10.12.2025 | 21:28
Կրոնական ազատությունը Հայաստանում ժողովրդավարության կարևոր բաղադրիչներից է։
Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները
Քաղաքականություն
03.05.2024 | 14:35
Մենք շատ ոգևորված ենք խաղաղության գործընթացի շուրջ Ադրբեջանի և Հայաստանի միջև շարունակվող աշխատանքով, որը սկսվել է երկու երկրների միջև սահմանի սահմանազատման գործընթացով։ Այս մասին ադրբեջանական Report-ին տված հարցազրույցում հայտարարել է Բաքվում գտնվող Եվրոպական հանձնաժողովի hարևանության և ընդլայնման բանակցությունների գլխավոր տնօրեն Խերտ Յան Կոպմանը։
Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները։
«Որքանով ես տեղյակ եմ՝ արդեն պայմանավորվածություն կա սահմանի չորս հատվածի վերաբերյալ։ Ակնհայտ է, որ մեր ռազմավարական նպատակն է ապահովել տարածաշրջանում խաղաղության վերականգնումը։ Մենք նպատակաուղղված ենք սերտ համագործակցել երկու կողմերի հետ, ինչպես երկկողմ, այնպես էլ տարածաշրջանային մակարդակներում»,- նշել է նա՝ մեկնաբանելով Ադրբեջանի և Հայաստանի միջև սահմանի սահմանազատման գործընթացը։
Նա, միաժամանակ, բարձր է գնահատել Ադրբեջանի և Հայաստանի փոխգործակցությունն ականազերծման գործընթացում։
Հավելենք, որ ավելի վաղ Եվրոպական հանձնաժողովի hարևանության և ընդլայնման բանակցությունների գլխավոր տնօրենը այցելել էր Հայաստան և Վրաստան։
