10.12.2025 | 21:28
Կրոնական ազատությունը Հայաստանում ժողովրդավարության կարևոր բաղադրիչներից է։
Կուլեբան Միրզոյանի հետ հեռախոսազրույցից հետո գրառում է կատարել
Քաղաքականություն
02.05.2024 | 21:34
ՀՀ արտաքին գործերի նախարար Արարատ Միրզոյան մայիսի 2-ին հեռախոսազրույց է ունեցել Ուկրաինայի արտաքին գործերի նախարար Դմիտրի Կուլեբայի հետ: Ուկրաինայի ԱԳՆ ղեկավարը X-ում իր գրառման մեջ նշել է, որ քննարկել են Ուկրաինայում ու Հարավային Կովկասում անվտանգային իրավիճակի դինամիկան։
«Հեռախոսազրույց եմ ունեցել ՀՀ ԱԳՆ նախարար Արարատ Միրզոյանի հետ, քննարկել ենք Ուկրաինայում ու Հարավային Կովկասում անվտանգային իրավիճակի դինամիկան։
Ողջունել եմ Ադրբեջանի և Հայաստանի միջև սահմանների սահմանազատման շուրջ համաձայնագիրը։
Մենք պայմանավորվեցինք արտաքին գործերի նախարարությունների միջև քաղաքական խորհրդակցություններ անցկացնել փոխադարձ հետաքրքրություն ներկայացնող հարցերի լայն շրջանակի շուրջ»,- գրել է Կուլեբան։
ՀՀ ԱԳՆ տարածած հաղորդագրության համաձայն՝ Արարատ Միրզոյանն ընդգծել է Հայաստանի ու Ադրբեջանի միջև հարաբերությունների կարգավորման, այդ թվում՝ սահմանազատման գործընթացում տարածքային ամբողջականության սկզբունքի անվերապահ հարգման, 1991թ. Ալմա-Աթայի հռչակագրին հանձնառության կարևորությունն ու այս հարցում միջազգային գործընկերների, այդ թվում՝ Ուկրաինայի ԱԳՆ կողմից արտահայտված դիրքորոշումը:
