24.11.2024 | 10:32
Այս տարի Ավանում 14,000 քմ բակային տարածքներ ազատել ենք ավտոտնակներից և անօրինական շինություններից. Ավինյան․ ՏԵՍԱՆՅՈՒԹ
Ռուսական հարվածները վնասել են Ուկրաինայի էներգետիկ հզորության կեսը․ Կուլեբա
Քաղաքականություն
02.05.2024 | 13:27
Ուկրաինայի արտաքին գործերի նախարար Դմիտրի Կուլեբան Foreign Policy-ին տված հարցազրույցում ասել է, որ ռուսական հարվածները վնասել են երկրի էներգետիկ հզորությունների կեսից ավելին։
«Ռուսական բալիստիկ հրթիռներն այս պատերազմի իրական պատուհասն են։ Դրանք հիմնականում օգտագործվում են մեր էներգետիկ համակարգը ոչնչացնելու համար։ Ես համարձակվում եմ ասել, որ եթե մեկ այլ երկրի էներգետիկ համակարգին նման մասշտաբի վնաս հասցվեր, այնտեղ իրավիճակը շատ ավելի վատ կլիներ, քան Ուկրաինայում է։ Մենք դիմանում ենք, քանի որ շատ բան ենք սովորել, մենք տոկուն ենք, գիտենք, թե ինչն է վտանգված: Բայց մեր էլեկտրացանցերի կեսը վնասված է, իսկ մենք դեռ պետք է կառավարենք երկիրը, պատերազմենք և շահենք աշխարհի աջակցությունը»,- ասել է Կուլեբան:
Նա նաև կոչ է արել Արևմուտքին «ավելի հավակնոտ ծրագրեր» կազմել հետպատերազմյան աշխարհակարգի համար: Կուլեբայի խոսքով՝ սխալ են Արևմտքում առկա այն մտքերը, թե անհնար է ամբողջությամբ խզել հարաբերությունները Ռուսաստանի հետ և «այրել կամուրջները», քանի որ նախագահ Պուտինի հետ հնարավոր չի լինի համաձայնության գալ։
Ուկրաինացի պաշտոնյան նշել է, որ ռուսական պաշտպանական համալիրը մեծացնում է իր հնարավորությունները ոչ միայն Ուկրաինայի հետ պատերազմի համար։
«Ռուսաստանը Պուտինի օրոք թշնամի համարեք, ո՛չ պակաս», – հայտարարել է նա։
