24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
ՌԴ-ն հարված է հասցրել Օդեսային․ կան տուժածներ
Քաղաքականություն
02.05.2024 | 12:09
Մայիսի 1-ի լույս 2-ի գիշերը ռուսական զորքերը հրթիռային հարված են հասցրել Օդեսային։ Շրջանի ռազմական վարչակազմի ղեկավար Օլեգ Կիպերի տեղեկացմամբ՝ տուժել է 14 մարդ։ Մեկ տղամարդ հոսպիտալացվել է միջին ծանրության վիճակում, մնացած բոլորը տեղում բուժօգնություն են ստացել, փոխանցում է Current Time-ը։
Հարձակման հետևանքով վնասվել են քաղաքացիական ենթակառուցվածքներ, այդ թվում՝ «Նովայա Պոչտա»-ի պահեստները։ Հրդեհ է սկսվել։ Կոտրվել են հարակից տների պատուհանները։
Հաղորդվում է, որ ոչ մի աշխատակից չի տուժել։
Ռուսաստանն ամեն օր հարվածում է Ուկրաինայի տարածքին։ Վերջին շրջանում Ուկրաինայի իշխանությունները գրեթե ամեն օր հաղորդում են Օդեսայի վրա հարձակումների մասին։ Այսպես, ապրիլի 20-ի լույս մայիսի 1-ի գիշերը ռուսական զորքերը հրթիռներ են արձակել քաղաքի կենտրոնի ուղղությամբ։ Հարձակման հետևանքով զոհվել է երեք մարդ, այդ թվում՝ մեկ ոստիկան։ Եվս երեք մարդ վիրավորվել է։
