ԱՄՆ-ը պատժամիջոցներ է սահմանել Ադրբեջանից ընկերության նկատմամբ՝ ՌԴ ռազմարդյունաբերությանն աջակցելու համար

ԱՄՆ Ֆինանսների նախարարությունը հայտարարել է պատժամիջոցների մեծ փաթեթի մասին՝ Ռուսաստանի ռազմարդյունաբերական համալիրի, քիմիական և կենսաբանական զենքի ծրագրերի, ինչպես նաև երրորդ երկրների ընկերությունների և անհատների նկատմամբ, որոնք օգնում են Ռուսաստանին ձեռք բերել առանցքային ռեսուրսներ զենքի ու պաշտպանական արտադրանքի արտադրության համար։

Պատժամիջոցները սահմանվում են գրեթե 300 ֆիզիկական անձանց և ընկերությունների նկատմամբ Ռուսաստանից, Չինաստանից, Թուրքիայից, Ադրբեջանից, ԱՄԷ-ից, ինչպես նաև Բելգայից ու Սլովակիայից։

Ադրբեջանից պատժամիջոցների ցանկում ներառված ընկերությունը «Lahic Energy» ՍՊԸ-ն է։ Եվգենի Ալիևը գնումների գործակալ է, որը համակարգում է միջնորդների ցանցը, նրանք պատվերներ են տալիս ռուս վերջնական օգտատերերի անունից, որոնք սերտ կապեր ունեն ռուս զինվորականների հետ: Ալիևի գնումների ցանցը ներառում է Lahic Energy Mahdud Masuliyyatli Camiyyati (Lahic Energy), GMM FZE և GMM Management DMCC (GMM Management) ընկերությունները։

Lahic Energy-ն ադրբեջանական կազմակերպություն է, որը 2023 թվականին բիզնես է վարել ԱՄՆ-ի կողմից պատժամիջոցների ենթարկված ռուսական տեխնոլոգիաներ արտադրողների անունից:

GMM FZE-ն և GMM Management-ն էլ ԱՄԷ-ում գործող ընկերություններ են, որոնք բիզնես են վարել ԱՄՆ պատժամիջոցների տակ գտնվող ռուսական տեխնոլոգիաներ արտադրողների անունից։ Ջահանգիր Եվգենևիչ Ալիևը (Ջահանգիր Ալիևը) Lahic Energy-ի տնօրենն է, Եվգենի Ալիևի որդին: