07.10.2026 | 16:42
«Հրաշք այգի» ռեստորանային համալիրից 2 գորշ արջի տեղափոխվել են ապաստարան
Թուրքմենստանում պաշտոնյաներին պարտավորեցրել են նախագահ Բերդիմուհամեդովի և նրա հոր պատկերով ժամացույցներ գնել
Քաղաքականություն
01.05.2024 | 22:22
Արևմտյան Թուրքմենստանի Բալկանյան վելայեթի (տարածաշրջանի) պետական կառույցների ղեկավարներին ստիպում են հուշանվեր-ժամացույցներ գնել, որոնց վրա պատկերված են երկրի ներկա և նախկին նախագահներ Սերդար և Գուրբանգուլի Բերդիմուհամեդովները: Այս մասին հայտնում է Ազատություն ռադիոկայանի թուրքմենական ծառայությունը։
Հուշանվեր-ժամացույցի արժեքը (կախված չափսից և դիզայնից) տատանվում է 1500-ից (428 դոլար) մինչև 3000 (850 դոլար) մանաթի սահմաններում։
Ըստ «Ազատլըքի» աղբյուրի՝ փոքր բյուջետային կազմակերպությունների ղեկավարներից պահանջվել է գնել ժամացույցների ավելի էժան տարբերակը, իսկ տարածաշրջանի բարձրաստիճան պաշտոնյաները պետք է գնեն թանկարժեք ժամացույցներ:
Մի քանի դպրոցների տնօրեններ ռադիոկայանի թղթակցին տված հարցազրույցում ասել են, որ նվեր-ժամացույցների հարկադիր առևտրի հետևում կանգնած են Բերդիմուհամեդովների հետ մտերիմ մարդիկ։
«Այդ ժամացույցները հատուկ արտադրվում են Չինաստանում, այնուհետև բերում և բռնի կերպով վաճառում են ժողովրդին, իսկ ԱԱԾ-ի մարմինների միջոցով վերահսկում են ժամացույցների առևտուրը»,- նշել է Բալկանյան վելայեթի դպրոցներից մեկի տնօրենը։
Թուրքմենստանում պետական կառույցների աշխատակիցները պարբերաբար ենթարկվում են շորթումների։ Նրանցից գումար են շորթում նախագահի գրքերը գնելու, նրա դիմանկարները թարմացնելու և այլի համար:
