25.06.2026 | 14:02
Փաշինյանը մանրամասներ հայտնեց` Ուրսուլա ֆոն դեր Լայենի հետ ինչ է քննարկելու․ ՏԵՍԱՆՅՈՒԹ
Շվեդիայի ոստիկանությունը խոսել է «Եվրատեսիլ»-ին սպառնացող վտանգների մասին
Քաղաքականություն
01.05.2024 | 23:00
Շվեդիայի ոստիկանությունը զեկույց է կազմել, որտեղ թվարկված են Մալմյոյում կայանալիք «Եվրատեսիլ» երգի միջազգային մրցույթի հնարավոր սպառնալիքները: Զեկույցի համաձայն՝ հնարավոր վտանգներն են կիբերհարձակումները, DoS հարձակումները, քաղաքացիական անհնազանդությունը, հեռուստատեսային ալիքների խափանումը, գրում է Euronews-ը։
Մրցույթի կիսաեզրափակիչ փուլերը կկայանան մայիսի 7-ին և 9-ին, եզրափակիչը՝ մայիսի 11-ին։ Զեկույցի մեծ մասը գաղտնազերծված է:
Մրցույթի անվտանգությունն ապահովելու նախապատրաստական աշխատանքները հաշվի են առնում այն փաստը, որ Շվեդիան, ըստ ոստիկանության, «առաջնահերթ թիրախ» է իսլամիստ ահաբեկչական կազմակերպությունների համար։
Սպասվում է, որ տարբեր երկրներից մոտ 100 հազար հյուր կգա 360 հազար բնակչություն ունեցող Մալմյո՝ ներկա լինելու «Եվրատեսիլ»-ին։
