07.10.2026 | 11:12
«Արմավիր» ՔԿՀ-ում դրոնով 6 բջջային հեռախոս է փորձ արվել փոխանցել
Փարիզում աղբահավաքները սպառնում են գործադուլ անել Օլիմպիական խաղերի ժամանակ
Քաղաքականություն
01.05.2024 | 19:48
Փարիզի աղբահավաքների արհմիությունը քաղաքապետարանին տեղեկացրել է XXXIII օլիմպիական և պարալիմպիկ խաղերի ժամանակ հնարավոր գործադուլների մասին։ Հայտարարությունը հրապարակվել է արհմիության կայքում։
Գործադուլները կարող են տեղի ունենալ մայիսի 14-16-ը, մայիսի 22-24-ը և հուլիսի 1-ից սեպտեմբերի 8-ը։ Արհմիությունը քաղաքապետարանից պահանջել է բարձրացնել աշխատավարձերը 400 եվրոյով և օլիմպիական պարգև վճարել 1,9 հազար եվրոյի չափով։
Օլիմպիական խաղերը Ֆրանսիայում տեղի կունենան հուլիսի 26-ից օգոստոսի 11-ը, իսկ Պարալիմպիական խաղերը՝ օգոստոսի 28-ից սեպտեմբերի 8-ը։
Անցյալ տարի Փարիզում աղբահանությամբ զբաղվողները բողոքի ցույց էին կազմակերպել կառավարության կենսաթոշակային բարեփոխումների դեմ։ Փողոցները չմաքրելու պատճառով 10 հազար տոննա աղբ էր կուտակվել։
