07.10.2026 | 10:55
Մեսին գոլ ու 2 ասիստ է գրանցել Արգենտինայի հավաքականում հրաժեշտի խաղում. ՏԵՍԱՆՅՈՒԹ
Արցախից ռուս խաղաղապահների դուրսբերման գործընթացը շարունակվում է
Քաղաքականություն
01.05.2024 | 11:50
Արցախից ռուս խաղաղապահների աստիճանական դուրսբերման գործընթացը շարունակվում է։ Ադրբեջանական Թուրան գործակալությունը գրում է, որ պարբերաբար Գյանջա քաղաքից ոչ հեռու գտնվող Գորան երկաթուղային կայարան են ժամանում զրահատեխնիկայի, հատուկ տեխնիկայի և բենզինի տանկերների շարասյուներ։
Բեռնվելուց հետո տեխնիկան անձնակազմի հետ միասին մեկնում է Ռուսաստան։ Ռուս սպաներից մեկը լրատվամիջոցի հետ զրույցում ասել է, որ զորքերի դուրսբերումը կտևի մինչև մայիսի վերջ։
Հիշեցնենք՝ ապրիլի 16-ի երեկոյան ադրբեջանական լրատվամիջոցները հայտնեցին, որ հայկական Դադիվանք վանական համալիրի պաշտպանությունը ռուս խաղաղապահները փոխանցել են ադրբեջանական ոստիկանությանը։ Դրանից հետո սկսեցին տարածվել ռուս խաղաղապահների տեխնիկայի շարասյուների տեղաշարժի տեսանյութեր։ Ավելի ուշ պաշտոնական Բաքուն ու Մոսկվան հաստատեցին, որ սկսվել է Արցախից ռուս խաղաղապահների վաղաժամ դուրսբերման գործընթացը։
Ապրիլի 22-ին էլ Ադրբեջանի նախագահ Իլհամ Ալիևը մեկնել էր ՌԴ՝ նախագահ Վլադիմիր Պուտինի հետ բանակցությունների։ Այցից հետո Ալիևը հայտարարել է, որ Արցախից ռուս խաղաղապահների վաղաժամ դուրսբերման որոշումը կայացվել է Պուտինի հետ համատեղ։
Էմմա Չոբանյան
