24.02.2026 | 17:50
Ըստ ՌԴ Արտաքին հետախուզության ծառայության՝ Փարիզը և Լոնդոնը մտադիր են Ուկրաինային միջուկային տեխնոլոգիաներ փոխանցել
ԵՄ-ին անդամակցությունն իրականություն կդառնա. Զելենսկի
Քաղաքականություն
30.04.2024 | 19:21
Միացյալ Եվրոպայում լինելը յուրաքանչյուր ազգի երազանքն է, և այդ երազանքը շուտով իրականություն կդառնա Ուկրաինայի համար։ Այս մասին նախագահ Վլադիմիր Զելենսկին ասել է «Չեխիայի 20 տարիները ԵՄ-ում․ ընդլայնված Եվրոպայի տեսլական» համաժողովում տեսակապով ելույթի ժամանակ, հայտնել է Ուկրաինայի ղեկավարի մամուլի ծառայությունը, գրում է Korrespondent-ը։
Նրա խոսքով՝ եվրոպական մայրցամաքը կարող է ուժեղ և իսկապես խաղաղ լինել միայն այն դեպքում, երբ Եվրոպայում ոչ մի եվրոպացի դուրս չմնա «նավից»։ Ըստ Զելենսկիի՝ «Եվրոպան դատապարտված է լինել համագործակցության տարածք, որպեսզի մնա կյանքի տարածք, և հենց սա էլ պետք է պաշտպանել»։
«Եվ ես վստահ եմ Եվրոպայի վրա։ Ես վստահ եմ, որ մեր կյանքի ընթացքում տեղի կունենա այսպիսի կոնֆերանս, որը նվիրված է եվրոպական համայնքում Ուկրաինայի 20-ամյակին, իսկ մենք արդեն հունիսին կարող ենք սկսել այս ճանապարհը՝ փաստացի մեկնարկելով ԵՄ-ին Ուկրաինայի անդամակցության շուրջ բանակցությունները։ Շնորհակալություն բոլորին, ովքեր օգնում են»,- ասել է Զելենսկին։
Հիշեցնենք, որ 2023 թվականի դեկտեմբերին Եվրամիության ղեկավարները որոշել են բանակցություններ սկսել Ուկրաինայի և Մոլդովայի հետ ԵՄ-ին անդամակցելու շուրջ։ 2024 թվականի մարտին էլ Կիևը հայտարարել է, որ Ուկրաինան կատարել է Եվրահանձնաժողովի բոլոր չորս հանձնարարականները, որոնք անհրաժեշտ էին Եվրամիությանն անդամակցելու բանակցությունների շրջանակը հաստատելու համար։
