24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Նեթանյահուն հայտարարել է, որ, ամեն դեպքում, Ռաֆահում ռազմական գործողություն կսկսեն
Քաղաքականություն
30.04.2024 | 18:08
Իսրայելի վարչապետ Բենիամին Նեթանյահուն հայտարարել է, որ, ամեն դեպքում, կսկսեն Գազայի հարավում գտնվող Ռաֆահ քաղաքի գրոհը՝ չնայած զսպվածության միջազգային կոչերին: Նա հայտարարել է, որ Իսրայելը կոչնչացնի այնտեղ գտնվող ՀԱՄԱՍ-ի գումարտակները «գործարքով կամ առանց գործարքի», որի շուրջ այժմ բանակցություններ են ընթանում Կահիրեում, գրում AFP-ն:
Իսրայելը և ՀԱՄԱՍ-ը բանակցում են հրադադարի մասին համաձայնագրի շուրջ, որը նախատեսված է պատանդներին ազատելու և պաշարված անկլավում գտնվող պաղեստինցիներին որոշակի օգնություն բերելու համար:
«Այն գաղափարը, որ մենք կդադարեցնենք պատերազմը՝ նախքան դրա բոլոր նպատակներին հասնելը, բացառվում է։ Մենք կմտնենք Ռաֆահ և կվերացնենք ՀԱՄԱՍ-ի գումարտակները՝ գործարքով կամ առանց գործարքի, որպեսզի հասնենք ամբողջական հաղթանակի»,- ասել է Նեթանյահուն ՀԱՄԱՍ-ի կողմից պատանդառված իսրայելցիների ընտանիքների հետ հանդիպման ժամանակ։
Սպասվում է, որ ԱՄՆ պետքարտուղար Էնթոնի Բլինքենը կայցելի Իսրայել տարածաշրջանում իր շրջագայության ավարտին, որը սկսվել է երկուշաբթի Սաուդյան Արաբիայից: Նա հայտարարել է, որ Իսրայելը պետք է ավելին անի, որպեսզի օգնությունը մուտք գործի Գազա, սակայն հումանիտար ճգնաժամը մեղմելու լավագույն միջոցը, ըստ ամերիկացի պաշտոնյայի, հրադադարի շուրջ երկու կողմերի համաձայնությունն է:
